Kunkatedralo Dipatrino (Nyíregyháza)

Interno de la katedralo

Kunkatedralo de Dipatrino
Kunkatedralo de Dipatrino en Nyíregyháza
paroĥopreĝejo • kunkatedralo • katolika preĝejo
Loko
Ŝtato	Hungario
Municipo	Nyíregyháza
Bazaj informoj
Religio	kristanismo
Rito	Latina Eklezio
provinco	Szabolcs-Szatmár-Bereg
diocezo	Debrecen-Nyíregyháza
Dato de konsekro	1904
Statuso	kunkatedralo ekde 1994
Arkitektura priskribo
Arkitektoj	Nagy Virgil
Konstrustilo	novgotiko
Konstruado	1902–1904
Specifo
Enhaveco	800 sidlokoj, 400 starlokoj
Longo	50 m (interne)
Larĝo	20 m; 30 m (kruconavo)
Alto	44 m (turoj); 12-14 m (ĉefnavo)
Konstrumaterialo	masonita
Ligiloj

Kunkatedralo de Dipatrino estas latinkatolika historia monumento en Hungario, en urbo Nyíregyháza, en la ĉefplaco. Ĝi iomete similas al Vota Katedralo de Szeged, kiu konstruiĝis poste.

Historio

La unua katolika kirko estis konstruita proksimume en 1250, kiun la kalvinanoj profitis ekde la 17-a jarcento. Romkatolika kapelo ekfunkciis en 1783, kiu ricevis paroĥo-rajton post 3 jaroj. La nova preĝejo estis konstruita en 1815. Oni konstruis la nunan, imponan, novan preĝejon en la 1900-aj jaroj.

Konstruaĵo

La katedralo situas sola. La fasado estas simetria, kie oni vidas 2 longajn turojn, inter la turoj meze estas la ornamriĉa ĉefenirejo. Post la fasado 3 navojn etendiĝas. La sanktejo estas duonronda. Apud la marmora ĉefaltaro estas skulptaĵoj de Stefano la 1-a (Hungario), Ladislao la 1-a (Hungario), Emeriko de Hungario, Sankta Hieronimo, Elizabeto de Hungario kaj Sankta Margareta de Hungario. La ĉefaltara fenestro prezentas la Sanktan Familion. La du flankaj altaroj estas dediĉitaj al Sankta Jozefo kaj Sankta Maria. Ĉe la predikejo kaj sur muro de la navo estas videblaj la 4 evangeliistoj. La fenestro ĉe la orgeno (farita en 1903) prezentas Sanktan Cecilian.

Kermeso okazas en la 8-an de oktobro.

Fontoj

• hungare
• hungare kun bildoj Arkivigite je 2012-05-14 per la retarkivo Wayback Machine

Flanko kaj absido de la Kunkatedralo

Vitraloj