Kvar nemezureblaj
(Alidirektita el Kvar Nemezurebla)
| Kvar nemezureblaj | |
|---|---|
| Tradukoj de चत्वारि ब्रह्मविहाराः (catvāri brahmavihārāḥ) | |
| Palie | cattāri brahmavihārā |
| Sanskrite | चत्वारि ब्रह्मविहाराः (catvāri brahmavihārāḥ) |
| Ĉine | 四無量心 (sìwúliàngxīn) |
| Japane | 四無量心 (shimuryōshin) |
| Kmere | ព្រហ្មវិហារធម៌ (prummavihearathor) |
| Koree | 사무량심 |
| Tibete | ཚངས་པའི་གནས་བཞི་ (tshangs pa'i gnas bzhi) |
| Birme | ဗြဟ္မဝိဟာရတရားလေးပါး |
| Taje | พรหมวิหาร (phrom wihan) |
| Vjetname | Tứ Vô Lượng Tâm |
 Terminaro de Budhismo
| |
La kvar nemezureblaj (Sansk.:apramāņya; Pali.:appamaņņa; Tib.:tshad med bzhi) estas ankaŭ nomitaj brahmavihāroj (pāli kaj sanskrito), la belegaj domoj aŭ piaj vivmanieroj - estas kvar sentimentoj aŭ sintenoj, "nemezureblaj" ĉar ili enhavas senliman atingopovon. Tio estas :
- metao (maitrī en sansk. kaj mettā en pali): bonvolemo aŭ bonkoreco - deziro ke ĉiuj vivantuloj trovu la feliĉon kaj la kaŭzojn de la feliĉo;
- karuno (karuņā en sansk. kaj pali): kompato - deziro ke ĉiuj vivantuloj estu liberigitaj de sufero kaj de kaŭzoj de la sufero;
- mudito (muditā en sansk. kaj pali): simpatio aŭ simpatia ĝojo - deziro ke ĉiuj vivantuloj trovu la ĝojon sen sufero;
- upekŝo (upekṣā en sansk. kaj upekkhā en pali : egalanimeco, aŭ malligiĝo - malligiĝo de la sentita doloro, maljusteco kaj antipatio, kaj deziro ke ĉiuj vivantuloj restadu en egala sereneco, sen maljusteco, ligiteco aŭ antipatio;
Tiu praktiko estas unu el la plej gravaj bazoj de la budhisma etiko, kaj kun recito de mantroj estas bazo de mahajano.