La Chaux-des-Breuleux

El Vikipedio, la libera enciklopedio
Salti al navigilo Salti al serĉilo
La Chaux-des-Breuleux
Blazono de La Chaux-des-Breuleux
La Chaux-des-Breuleux
Kantono Ĵuraso
Distrikto Franches-Montagnes
Koordinatoj  47°13′25″N 7°1′45″O  /  47.22361°N, 7.02917°O / 47.22361; 7.02917 (La Chaux-des-Breuleux)Koordinatoj: 47°13′25″N 7°1′45″O  /  47.22361°N, 7.02917°O / 47.22361; 7.02917 (La Chaux-des-Breuleux)
Nombro de enloĝantoj 80
Areo 4,12 km²
Alteco 1016 m super marnivelo
Poŝtkodo 2345
Komunumkodo 6744
Mapo de La Chaux-des-Breuleux
v  d  r
Information icon.svg

Pri la komunumo[redakti | redakti fonton]

La Chaux-des-Breuleux estas komunumo en la distrikto Franches-Montagnes en Kantono Ĵuraso, Svislando. Ĝi havis 80 loĝantojn je la 31-a de decembro 2009.

Geografio[redakti | redakti fonton]

La vilaĝo, kiu laŭ loĝantaro apartenas al la plej malgrandaj de la kantono, situas ĉe la suda flanko de altebenaĵo de la Liberaj Montoj sur alteco de 1016 m s.m. En la oriento de la komunumo troviĝas la marco La Tourbière.

La teritorio de la komunumo etendiĝas sur areo de 4,1 km², de kiuj 23% estas kovritaj de arbaro, 72% servas por agrikulturo kaj 2% por setlado.

Najbaraj komunumoj[redakti | redakti fonton]

La komunumo La Chaux-des-Breuleux limas en nordo al Saignelégier, en oriento al Tramelan (BE), en sudoriento al Mont-Tramelan (BE), en sudsudoriento al Courtelary, en sudokcidento al Les Breuleux, kaj en nordokcidento al Muriaux.

Trafiko[redakti | redakti fonton]

La komunumo La Chaux-des-Breuleux situas flanke de la gravaj aŭtomobilaj trafikvojoj, sed ĝi disponas pri stacidomo ĉe la mallarĝŝpura trajnlinio de la Ĵurasaj Fervojoj de Le Noirmont al Tramelan.

Historio[redakti | redakti fonton]

La unua dokumenta mencio de La Chaux-des-Breuleux datiĝas el la jaro 1397 kiel La Chaux.[1]

Dum mezepoko La Chaux-des-Breuleux apartenis al la Senjorejo Liberaj Montoj, kiu troviĝis sub la regado de la Princepiskopejo Bazelo. Post la Franca Revolucio de 1792 La Chaux-des-Breuleux apartenis dum unu jaro al la Raŭraka Respubliko kaj tiam de 1793 ĝis 1800 al la franca departemento Mont-Terrible, kiu tiam estis integrita al la departemento Haut-Rhin. En la jaro 1815 la Viena Kongreso atribuis la komunumon La Chaux-des-Breuleux al la distrikto Franches-Montagnes de la svisa Kantono Berno. Ek de la 1-a de januaro 1979 La Chaux-des-Breuleux apartenas al la nove fondita Kantono Ĵuraso.

Notoj kaj referencoj[redakti | redakti fonton]

  1. Fonto: Claude Rebetez : La Chaux-des-Breuleux en Historia Leksikono de Svislando (2005-02-22)

Eksteraj ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso La Chaux-de-Breleux