La Perdita Generacio

El Vikipedio, la libera enciklopedio
Saltu al: navigado, serĉo
La Perdita Generacio
Deveno Svedio Svedio
Ĝenroj alternativa rokmuziko[1]
Aktivaj jaroj 2003 - nun
Eldoninto Vinilkosmo
Parencaj
temoj
Den Förlorade Generationen
Retejo www.laperditageneracio.se
Membroj

Tomas Frejarö
Anna Burenius
Karin Frejarö
Hendrik Lönngren

v  d  r
Information icon.svg

La Perdita Generacio (mallongige LPG) estas alternativa esperanta muzikgrupo el Svedio.

Historio[redakti | redakti fonton]

La Perdita Generacio formiĝis dum IJK 2003 en Lesjöfors (Svedio) el tiamaj membroj de svedia radikala muzikgrupo Den Förlorade Generationen (DFG). Ĝia unua koncerto okazis spontanee dum Internacia Vespero de IJK 2003 kaj poste la grupo estis invitita por koncerti dum IJK 2004 en Kovrov (Rusio). Ambaŭaj grupoj, LPG kaj DFG poste ekzistis paralele kaj sendepende.[2]

La eldono de la lumdisko eksenlime (2006) markis, ke La Perdita Generacio estu rigardata kiel sendependa grupo.

LPG koncertis en Svedio, Estonio, Rusio, Pollando, Slovakio, Kubo, Danio kaj en okupata domo en Nederlando. Inter 2003 kaj 2005 LPG ĉiujare koncertumis dum IJK. Dum IJK en Kovrov 2004 ili ricevis la premion Plej interesa muzikgrupo. Lumdisko eldonata estis registrita dum tiu koncerto.

LPG partoprenis en la tutmonda muzikkonkurzo "La verda stelo" ĉe Internacia Televido kiu estis lanĉita en 2006. LPG ricevis la duan plej altan nombron da voĉoj donitaj dum la konkurso. En Majo 2006 LPG koncertis triope ĉe la komuna kongreso de Sveda Esperanto-Federacio kaj Dana Esperanto-Asocio en Malmö. Cetere LPG koncertis (i.a.) dum Ago-Semajno, KEF kaj Oranĝa Renkontiĝo.

Ekde 2005 la geografia centro de LPG estas la nordsveda urbo Hernusando, kie je 2007 okazis la oficiala internacia lanĉofesto de eksenlime. En septembro 2008, lanĉita dum la dua Oranĝa Renkontiĝo, la dua albumo de LPG aperis Eksplodigos vian domon kaj en 2013 ankaŭ Ĉiamen plu.

LPG eldonis siajn KD-ojn ĉe Gränslösa Kulturföreningen (esperante: Senlima Kultura Asocio), alternativa nekomerca retaro kiu eldonas diversajn samideanajn artistojn. LPG Partoprenas ĉe la kompilado En musikaliska skördefest (2007), eldonita de la sama eldonanto. Ekde 2007 LPG kunlaboras kun Vinilkosmo, kiu kuneldonis albumon Eksplodigos vian domon.

En 2015 la kanto La 100-a Fojo, verkita omaĝe al la 100-a elsendo de podkasto Varsovia Vento, ricevis 2-an lokon en la 2-a Muzika Konkurso de Kontakto.[3]

Membroj[redakti | redakti fonton]

Dum la jaroj LPG konsistis el multaj diversaj homoj, de pluraj landoj, inter aliaj partoprenas/is: Anna Burenius, Jon Johnson, Karolina Hagegård, Tomas Frejarö, Jonas Dalmose, Mathias Dalmose, KarinMalin Ekström, Karin Nordström, Viktor Söderkvist, Ksenya Prilepskaya, Robin Rönnlund, Anna Ekman, Malak Awad, Daniel von Gertten, Camille Delepierre, Andreas Nilsson, Gus Loxbo, Amanda Lind, Anne Hagström, Hendrik Lönngren kaj Magnus Persson.

Ekde 2009 LPG malkreskis kaj ofte koncertis du, tri aŭ kvarope, ĉefe homoj ligitaj al Hernusando aŭ Lund.

Ĝenro[redakti | redakti fonton]

Ĝenro de la kantoj de La Perdita Generacio ofte estas malfacile konstatebla. Plej ofte oni mencias la muzikon aparteni al alternativa rokmuziko. Multaj iliaj kantoj kritikas diversajn aferojn de nuntempa socio, do tiuj estas protestkantoj.[1][4]

Diskaro[redakti | redakti fonton]

  • Ĉiamen plu (2013)
    1. Domoarigato
    2. Dudek tri
    3. Pluku ne la florojn
    4. La dizertanto
    5. Alia aventuro
    6. Televido
    7. Ubuntu
    8. Ne eblas kalkuli
    9. Plastokanto
    10. Riveretoj ĉe mi
    11. Disfaluntoj
    12. Ĉu vi kontentas?
    13. Rulu trajn’
  • Eksplodigos vian domon (2008)[5]
    1. Malantaŭen
    2. Iamio bruliĝas
    3. Ne normalas, nur kutimas
    4. Kapon en la sablo
    5. Amokanto
    6. Lulkanto por piratoj
    7. Fajro kamena
    8. Asronado sur tegmento dum helreveno
    9. Senpromese, senperfide
    10. Mil naŭcent okdek kvar
    11. Sub fortepiano en Kiev'
    12. Lasta kanto por eta Tingelingo
    13. Ĉu timigas la ombro
  • Eksenlime (2006)
    1. Maldormemo Mia
    2. La Matenrampanto
    3. La Kosma Aventuro
    4. Valso kun Komunistino
    5. La Pasinta Generacio
    6. Ĉiuj ni amegas Usonon
    7. Ekde Gernika
    8. Pacon de Dio
    9. Revu Viviganto
    10. Nia Fiera Policisto
    11. Ĉiu momento estas vojaĝo
    12. Societo de Vivantaj Poetoj
  • en Rusio (2004)
    1. La Matenrampanto
    2. Ĉiuj ni amegas Usonon!
    3. La sola vojo
    4. Vivas mi
    5. LPG prezentas sin
    6. Nia fiera policisto
    7. Revu viviganto
    8. Ĉiu momento estas vojaĝo

Vidu ankaŭ[redakti | redakti fonton]

Referencoj[redakti | redakti fonton]

  1. 1,0 1,1 Giorgio Di Nucci. La Perdita Generacio, la grupo, kiun ni ŝatas "Ĉiamen Plu". Itala Esperanto-Federacio. Alirita 2015-11-01.
  2. Pavinski, Rogener (2013). “10 jarojn de La Perdita Generacio”, Kontakto (256), p. 5–7. Alirita 2015-10-21.. 
  3. Pavinski, Rogener (2015). “Martin Wiese, Tomas Frejarö kaj Roberto Pigro”, Kontakto (269), p. 6. Alirita 2016-01-22.. 
  4. Peĉonkin, Andrej (2009). “Ne perdiĝu nia generacio”, La Ondo de Esperanto (172). Alirita 2015-11-01.. 
  5. MusicBrainz

Eksteraj ligiloj[redakti | redakti fonton]