„Ankaŭ en malproksima norda lando kreskas diversspecaj literatiraj arboj, kaj bonodora floro de l’ gaja komedia trunko, dank’ al Esperanta traduko, alportos sian parfumon kaj plezuron al malproksimaj hejmoj. Multaj paĝoj el La Botistoj elŝprucigos la ridon de negantoj; amuzaj cirkonstancoj, komikaj respondoj, simpleco de l' vitalaj moroj, stulteco de edziĝonta filo lia patrino, laŭbibliaj admonoj de l’ patro, ĉio tio, kun moka sed tamen amema sento, donas gustan ideon pri antaŭa kampula naiva kaj kvieta vivo, nun malfeliĉe ĉie malaperanta.
Kelkajn plezurrapidajn horojn ĝuos niaj samideanoj per tiu verko, kaj ili refoje miros kiel belsona, flua, klara kaj fleksebla estas ilia komprenigilo en la mano de sperta tradukisto. Multaj taŭgaj proverboj estas dirataj de la personoj, kaj estus kolektindaj, ĉar diversnacia aforismaro estas ĉiam interesa.
— Sub severa postulo eĉ virbesto naskas.
— Pli bone estas sub gutanta tegmenta defluilo ol unuigita kun malbona virino
— La afero fiksiĝis kiel peco ĉe gudro, kiel kato ĉe freŝa lakto.
— Silentu kiel perko sur ŝtono.
— Li ne komprenas arton pli ol porko argentan kuleron.
En la tuta sufiĉe ampleksa prozaĵo oni preskaŭ vane serĉas pres- aŭ lingveron; ĉu unua aŭ duaspeca estas: "Ni atendas
Eskon kun sia edzino". Kelkaj parolturnoj iom surprizas; ekzemple uzo de "por ke" en frazoj kiel: "Estu danka por ke vi prosperis eliri" - "Kiu estas kulpa por ke ni deflankigis", aŭ de "kredi sin": "ili kredis sin trovintaj trezoron". — "Mi kredas min esti gasto."
Se ĉiu Esperanta aperanta verko ne meritus pli gravan riproĉon, baldaŭ elĉerpigus la kolekto da laŭdesprimoj disponebla de recenzanto, kaj se Finna Biblioteko Esperanta estas kiel ĝis nun daurigota, ĝi certe pro envio aŭ konkuremo instigos alilandajn tradukontojn.”
