Lago Alaotra
La Lago Alaotra (en franca Lac Alaotra) estas la plej granda lago en Madagaskaro, situanta en la Toamasina Provinco, en la norda centra altebenaĵo. Ĝia baseno konsistas el malprofundaj nesalaj lagoj kaj marĉoj ĉirkaŭataj de areoj de densa vegetaĵaro.[1] Ĝi formas la centron de la ĉefa rizkultiva regiono en la lando. Ĝi estas ankaŭ riĉa habitato por naturo, inklude kelkajn rarajn kaj endanĝeritajn speciojn, same kiel tre grava fiŝkaptejo. La lago Alaotra kaj ties ĉirkaŭaj humidejoj kovras 7223 km², kaj inkludas diversajn habitatojn, kiaj malferma akvo, kareksejoj, marĉoj, kaj terkultivejoj de rizo. La lago mem kovras 900 km². La lago Alaotra estis deklarita humidejo de internacia gravo laŭ la internacia Ramsar-Interkonsento la 2an de februaro, 2003.
La Longnaĝila tilapio (Oreochromis macrochir) estis enmetita en la Lago Alaotra el la kontinento en 1954, kaj prosperis rapide. Ĉirkaŭ 1957 ĝi havigis 46% el la kaptaĵoj, eble ĉar ĝi moviĝis al malplena ekologia niĉo kiel fitofaga specio.[2]
La fruktodona ebenaĵo ĉirkaŭ la Lago Alaotra estas en Madagaskaro la plej grava rizprodukta regiono. La montetoj ĉirkaŭ la lago estis iam arbaraj, sed estis pleje klarigitaj por farmoj en pasintaj jardekoj. Akra erozio sur tiuj damaĝeblaj montetaj deklivoj kaŭzis konsiderindajn sedimentojn en la lago, kiu estas rapide damaĝata; la lago estas nun nur 60 cm profunda dum la seka sezono. Premo por krei pli da rizkampoj kondukis la lokanojn ankaŭ al bruligo de la kareksejoj kiuj ĉirkaŭas la lagon. Tiuj kareksejoj havigas la ununuran habitaton de la endemia Alaotra lemuro (Hapalemur griseus alaotrensis). La Alaotra lemuro estas nun limigita al nur 220 km² de restantaj kareksejoj, kaj en ĵusaj jaroj la lemura populacio rapide malpliiĝis je 60%, el proksimume 7,500 individuoj en 1994 al 3,000 en 2001, ĉefe pro habitatoperdo, sed ankaŭ pro ĉasado fare de lokaj vilaĝanoj.
La lago estas ankaŭ grava sed pli kaj pli minacata habitato por akvobirdoj, inklude la endanĝeritan specion de la Melera anaso (Anas melleri). Du akvobirdaj specioj estis endemiaj de norda Madagaskaro, nome la Madagaskara merganaso (Aythya innotata) kaj la Alaotra grebo (Tachybaptus rufolavatus. La Madagaskara merganaso estas nun draste endanĝerita kaj jam ne plu troviĝas en la propra lago, kvankam ekzistas tre malgrandaj nombroj ie. La Alaotra grebo estis deklarita formortinta en 2010. Pli ĵuse la Lago Alaotra estis kie loĝis la plej granda nombro, ĉar la preskaŭ nefluga grebo povus neniam esti loĝinta ie escepte en la apuda areo de la lago.
La rivero Ambato havigas la lagon el akvo kaj ankaŭ drenas ĝin. Post 381 km tiu rivero alfluas en la Hinda Oceano.
Notoj[redakti | redakti fonton]
- ↑ Aythya innotata - Range & Habitat. Arkivita el la originalo je 2007-09-30. Alirita 2006-12-24. Arkivita kopio. Arkivita el la originalo je 2007-09-30. Alirita 2012-01-14.
- ↑ C. Lévêque. (1997) Biodiversity dynamics and conservation: the freshwater fish of tropical Africa. Cambridge University Press.
Referencoj[redakti | redakti fonton]
- Lake Alaotra Arkivigite je 2009-01-03 per la retarkivo Wayback Machine at BirdLife International
Eksteraj ligiloj[redakti | redakti fonton]
- The GRAP-Lake Alaotra project Arkivigite je 2021-08-28 per la retarkivo Wayback Machine
- Madagaskara merganasoj, endemia de Madagaskaro, kie ĝi troviĝis historie en la baseno de la Lago Alaotra Arkivigite je 2007-09-30 per la retarkivo Wayback Machine
- Project Alaotra ĉe Madagascar Wildlife Conservation