Last Christmas (filmo)

Last Christmas
filmo
Originala titolo	Last Christmas
Originala lingvo	angla lingvo
Kina aperdato	15 nov. 2019, 14 nov. 2019, 8 nov. 2019, 29 nov. 2019, 19 dec. 2019, 7 nov. 2019
Ĝenro	romantika komedio, ghost film
Kameraado	John Schwartzman
Reĝisoro(j)	Paul Feig
Produktisto(j)	Erik Baiers • Paul Feig • Jessie Henderson • David Livingstone • Emma Thompson
Scenaro	Bryony Kimmings • Emma Thompson
Loko de rakonto	Londono
Muziko de	Theodore Shapiro
Rolantoj	Emilia Clarke • Henry Golding • Emma Thompson • Michelle Yeoh • Rebecca Root • Patti LuPone • Lydia Leonard • Boris Isaković • Maxim Baldry • Peter Mygind • Rob Delaney • Peter Serafinowicz • Ingrid Oliver • Sue Perkins • David Hargreaves • Anna Calder-Marshall • Amit Shah
IMDb
	v • d • r

Last Christmas estas romantika komedia filmo de 2019 reĝisorita de Paul Feig, verkita de Bryony Kimmings kaj Emma Thompson. Bazita sur la samnoma kanto kaj inspirita per la muziko de George Michael. En la filmo ĉefrolas Emilia Clarke kiel seniluziigita kristnaska feina vendistino, kiu havas rilaton kun mistera viro (Henry Golding) kaj komencas enamiĝi al li, ankaŭ ĉefrolas Emma Thompson kaj Michelle Yeoh.^[1]

Last Christmas estis kineje premiere prezentita de Universal Pictures en Usono la 8-an de novembro 2019, kaj en Britio la 15-an de novembro 2019. Ĝi ricevis miksitajn recenzojn de kritikistoj, kiuj laŭdis la prezentojn kaj kemion de Clarke kaj Golding, sed kritikis la manuskripton kaj intrigon. La filmo estis biletvendeja sukceso, atingante $121 milionojn da dolaroj tutmonde.

Intrigo[redakti | redakti fonton]

Averto: La teksto, kiu sekvas, malkaŝas detalojn pri la intrigo de la rakonto.

Katarina "Kate" (Emilia Clarke), aspiranta kantisto, laboras kiel elfo ĉe tutjara kristnaska butiko en Centra Londono, kies posedanto nomas sin "Santa". Ŝi estas senhejma post forĵeto de sia ĉambrokunulino. Dum ŝi laboras, ŝi rimarkas viron ekstere kiu rigardas supren. Ŝi parolas kun li kaj lernas ke lia nomo estas Tom.

Post malsukcesa kantintervjuo, Kate renkontas Tom denove kaj ili iras promeni, kie li allogas ŝin kun siaj nekutimaj observaĵoj de Londono. Post fuŝaoj ĉe la hejmo de sia plej malnova amikino, Kate estas devigita translokiĝi reen kun siaj gepatroj. Jugoslaviaj enmigrintoj, lia patrino Petra (Emma Thompson), suferas de depresio kaj lia patro, iama advokato, laboras kiel minitaksiŝoforo ĉar li ne povas labori kiel advokato en Londono. Kate sentiĝas sufokita de sia patrino, kiu adoras ŝin ignorante la fratinon de Kate, Marta, sukcesan advokaton.

Kate komencas pasigi pli da tempo kun Tom, kiu veturas per biciklo kaj volontulas ĉe senhejma ŝirmejo, pri kiu ŝi komence mokas. Serĉante Tom, kiu diras ke li konservas sian telefonon en ŝranko kaj ofte malaperas dum tagoj, ŝi komencas helpi ĉe la ŝirmejo esperante renkonti lin, sed trovas ke la volontuloj neniam renkontis lin.

Festante pli bonan postenon de Marta, Kate malkaŝas la lesbecon de Marta. Poste ŝi tiam renkontas Tom, kiu prenas ŝin reen al sia loĝejo. Kate rivelas ke jaron pli frue ŝi estis grave malsana kaj devis havi kortransplantaĵon. Kate diras ke ŝi sentiĝas duonmorta kaj scivolas ĉu ŝi havas la talenton por sukcesi. Post emocia malfermo de siaj sentoj al Tom, Kate provas iniciati sekson sed li rifuzas.

Post pasigado de la nokto kun Tom, Kate komencas plibonigi sian vivon; prizorgante ŝian korpon, organizante Kristnaskon, pardonpetante al Marta kaj ŝia amatino, kaj surstrate kantante kristnaskajn kantojn por peti monon por la ŝirmejo. Post kelkaj tagoj, ŝi renkontas Tom denove, kiu diras ke li havas ion gravan por rakonti al ŝi, sed ŝi pensas ke li timas engaĝiĝon kaj foriras.

Kate daŭre provas fari bonon en sia ĉiutaga vivo. Finfine ŝi deziras rerilatiĝi al Tom, tial ŝi revenas al lia loĝejo nur por renkonti domvendisto. Post iu komenca konfuzo pri, kiu posedas la loĝeon, li rivelas ke la antaŭa posedanto estis mortigita en biciklakcidento dum la lasta Kristnasko kaj ke la loko estis vaka dum la testamentprocezo. Trovante lian telefonon en la ŝranko, Kate ekkomprenas ke Tom estis la organdonacanto kies koron ŝi ricevis, kaj ke ĉiuj iliaj interagoj estis imagaj... Irante al ĝardeno, kiu estis la plej ŝatata loko de Tom, Kate trovas lin denove kie li diras ke sia koro ĉiam apartenos al ŝi. La benko sur kiun ili sidis dum sia unua ekskurseto al la ĝardeno riveliĝas esti memorbenko por Tom.

Por Kristnasko, Kate prezentas spektaklon uzante la talentojn de la homoj ĉe la ŝirmejo kaj invitante ĉiujn siajn amikojn kaj familion, inkluzive de Santa kaj Dan. Kate delikate prezentas soloon de la kanto "Last Christmas" interplektita kun retromemoroj de ŝiaj "renkontoj" kun Tom ĝis la festeno. Poste, Kate kaj la familio festas Kristnaskon kune, akompanitaj de Alba, la amatino de Marta, por la unuan fojon.

La kristnaska festo foriras kaj hela lumo montras somerscenon, kie videble pli sana Kate videblas, ŝi skribas ĉe sia taglibro en la ĝardeno kiun Tom prezentis al ŝi. Ridetante kaj videble feliĉa, Kate rigardas supren, kiel Tom ĉiam konsilis.

Kvar monatojn poste, Kate gvidas promenan turneon sub la firmaa nomo "Vidu supren", kie ŝi rakontas historion pri kiel konstruanto akuzis kunkonstruiston je ŝtelado de sia fromaĝo. Ŝi petas al la grupo rigardi la verajn kulpulojn: kelkaj fromaĝ-ŝtelantaj musoj. Kate kaj la grupo rigardas la kulpulojn, ridetante.

Averto: Malkaŝado de la intrigo de la rakonto ĉi tie finiĝas.