Leĝdona povo
Leĝdona povo aŭ Leĝofara povo estas, laŭ la principo de la disigo de povoj, unu el la tri sendependaj ŝtataj povoj. En ŝtatoj kun parlamenta demokratio, ĝi konsistas unuavice el la parlamentoj (ŝtata parlamento, eventuale ankaŭ landaj aŭ distriktaj parlamentoj). En ŝtatoj kun elementoj de rekta demokratio kiel ekzemple Svislando, la popolo povas en iuj kazoj mem per referendumo decidi pri akcepto aŭ malakcepto de leĝo.