Le Salaire de la peur (filmo)
Le Salaire de la peur (La salajro de la timo) estas franca-itala filmo de Henri-Georges Clouzot, aperinta en 1953, adaptita de samnoma romano de Georges Arnaud.
Temo
La rakonto okazas en Gvatemalo en la jaro 1951. Post diversaj travivaĵoj, grupo da eŭropanoj troviĝas en Las Piedras, mizera urbeto kie regas mizero kaj senlaboreco. Iun tagon, grandega incendio trafas petrol-puton. Usona petrol-kompanio, nomita SOC, decidas dungi kvar homojn por transporti 4 tunojn da nitroglicerino, per du ŝarĝaŭtoj, ĝis la petrol-puto. Kvar el la eŭropanoj estas dungitaj: Mario, Jo, Luigi kaj Bimba. Sed la tasko ne estas facila, ĉar la vojoj estas preskaŭ ne traireblaj. Plej eta ŝoko povus esti mortiga...
Teĥnikaĵoj
- Titolo: Le Salaire de la peur
- Reĝisoro: Henri-Georges Clouzot
- Scenaro: Henri-Georges Clouzot kaj René Wheeler, adaptita de samnoma romano de Georges Arnaud
- Foto: Armand Thirard
- Produkto: Raymond Borderie kaj Henri-Georges Clouzot por Vera Films, CICC, Filmsonor (Francio); Fono Roma (Italio)
- Muziko: Georges Auric
- Deven-landoj: Italio, Francio
- Ĝenro: Dramo, aventuro
- Daŭro: 141 minutoj (2h 21mn)
- Aperdato: 22-a de aprilo 1953 (Francio)
Rolularo
- Yves Montand: Mario
- Charles Vanel: Jo
- Folco Lulli: Luigi
- Peter van Eyck: Bimba
- Véra Clouzot: Linda
- William Tubbs: Bill O'Brien
- Dario Moreno: Hernandez
- Antonio Centa: Kampestro
- Jo Dest
- Darling Légitimus
Rekompencoj
- 1953: Ora Urso en Berlinale
- 1953: Premio por vira interpretado al Charles Vanel kaj Ora Palmo dum Festivalo de Cannes
- 1953: Premio Méliès
- 1955: BAFTA por plej bona filmo
Refaro
- 1977: Sorcerer de William Friedkin.
Videoteko
Aperis DVD de la filmo.
