Lerwick

Lerwick
small burgh (en) (1930–1975); urbeto vd
Administrado
Poŝtkodo	ZE1
En TTT	Oficiala retejo [+]
Demografio
Loĝantaro	6 958 (2011) [+]
Loĝdenso	2 209 loĝ./km²
Geografio
Geografia situo	60° 9′ N, 1° 9′ U (mapo)60.154166666667-1.1486111111111Koordinatoj: 60° 9′ N, 1° 9′ U (mapo) [+]
Alto	12 m [+]
Areo	3,15 km² ( 315 ha) [+]
Horzono	UTC±00:00 [+]
	Lerwick (Ŝetlandaj Insuloj)
	Situo de Lerwick
	Lerwick (Skotlando)
	Situo de Lerwick
Alia projekto
	Vikimedia Komunejo Lerwick [+]
	v • d • r

Lerwick (/ˈlɛrɪk/ aŭ /ˈlɜːrwɪk/; malnovnorvega: Leirvik; norne: Larvik; skotgaele Liùrabhaig) estas la plej norda urbo en Skotlando. Ĝi estas la ununura setlejo kun urbostatuso kaj la administra centro de la Ŝetlandaj Insuloj, kun 6 958 loĝantoj en 2011.

Ĝi situas proksimume 200 km de la norda marbordo de la skota ĉeftero kaj sur la orienta marbordo de Ŝetlandaj Insuloj. Ĝi situas 340 km nord-nordoriente de Aberdeen, 358 km de Bergen en Norvegio, kaj 367 km sudoriente de Tórshavn en Feroaj Insuloj. Ekzistas regula pramligo de Lerwick ĝis Aberdeen en Skotlando. Pramoj ankaŭ veturas al Kirkwall, Fair Isle, same kiel al Out Skerries, Shapinsay, Bressay kaj Whalsay. La haveno de Lerwick estas de granda graveco al la regiono. Ĝi estas la plej norda komerca haveno en Britio, kaj estas uzita grandskale fare de la fiŝindustrio kaj la petrolindustrio.

Unu el la marbordaj veterstacioj de la UK estas postenigita en Lerwick, kie la loka klimato havas nur malmulte da laŭsezona vario pro la mara influo. Ĉar Lerwick situas tiom norde laŭ latitudo, la somermezaj noktoj de Lerwick estas nur peĉnigra krepusko kaj vintroj havas malpli ol ses horojn da plena taglumo ^[1]^[2].

En Lerwick troviĝas la Muzeo de Ŝetlandaj Insuloj kun ekspozicioj de la Ŝtonepoko, la Ferepoko, la vikinga epoko, maraj kaj boataj tradicioj. Ĉi tie ankaŭ estas artgalerio ^[3].