Chamoson
| Chamoson | |
|---|---|
 | |
| Blazono de Chamoson | |
 | |
| Preĝejo Sankta Petro de Clages en Chamoson | |
| komunumo en Svislando | |
| Kantono | Valezo |
| Distrikto | Conthey |
| Koordinatoj | 46° 12′ 11″ N 7° 13′ 16″ O / 46.20306 °N, 7.22111 °O (mapo)Koordinatoj: 46° 12′ 11″ N 7° 13′ 16″ O / 46.20306 °N, 7.22111 °O (mapo) |
| Areo | 32,47 km² |
| Alteco | 490 m super marnivelo |
| Poŝtkodo | 1955 |
| Komunumkodo | 60222 |
 | |
| Situa mapo de Chamoson | |
Chamoson estas komunumo en la distrikto Conthey en Kantono Valezo, Svislando. Ĝi havis 3206 loĝantojn je la 31-a de decembro 2011.
Geografio[redakti | redakti fonton]
La komunumo Chamoson situas en la franclingva Suba Valezo ĉe la norda flanko de la Rodanvalo. La rivero Rodano formas la sudan komunumlimon. En Chamoson situas la plej granda vitejo de Valezo. La komunumo konsistas el la vilaĝoj Chamoson, Grugnay, Les Vérines, Mayens-de-Chamoson, Némiaz kaj Saint-Pierre-de-Clages. [1]
La teritorio de la komunumo etendiĝas sur areo de 32,47 km², de kiuj 28,8% estas kovritaj de arbaro, 26,3% servas por agrikulturo kaj 7,1% por setlado. [2]
Najbaraj komunumoj[redakti | redakti fonton]
La komunumo Chamoson limas en nordo al Conthey, en oriento al Ardon, en sudoriento al Nendaz, en sudo al Riddes, en okcidento al Leytron, kaj en nordnordokcidento al Bex (VD).
Trafiko[redakti | redakti fonton]
Tra Chamoson pasas en sudo la kantona ĉefvojo n-ro 9 kaj la svisa aŭtovojo A9, kies alveturejo Riddes situas duonan kilometron sudokcidente de la komunuma teritorio. En Saint-Pierre-de-Clages situas stacidomo ĉe la trajnlinio de Svisaj Federaciaj Fervojoj de Siono al Laŭzano.
Historio[redakti | redakti fonton]
La unua dokumenta mencio de Chamoson datiĝas el la jaro 1050 kiel Camusia. De la 11-a jarcento ĝis la Helveta Revolucio de 1798 Chamoson estis parto de la Senjorujo Ardon-Chamoson. De 1798 Ardon-Chamoson apartenis al la Distrikto Martigny, kaj ek de tiam al la Distrikto Conthey. En la jaro 1819 Ardon kaj Chamoson formale disiĝis kaj estiĝis la hodiaŭa komunumoj Ardon kaj Chamoson.[3]
Vidindaĵoj[redakti | redakti fonton]
Vidindaĵoj en Chamoson estas la romana preĝejo en Saint-Pierre-de-Clage el la 12-a jarcento. Ankaŭ impresaj estas la malnovaj burĝaj domoj. En Chamoson ekzists la tiel nomita svisa librovilaĝo, kie ek 1993 instaliĝis 14 brokantaĵolibrovendoj.[4]
Komunuma partnereco[redakti | redakti fonton]
La komunumo Chamoson havas komunuman partnerecon kun Degersheim en Kantono Sankt-Galo en Svislando.
Notoj kaj referencoj[redakti | redakti fonton]
- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Danielle Allet-Zwissig: Chamoson en Historia Leksikono de Svislando (2003-12-17)
- ↑ Retejo de la librovilaĝo en Chamoson
Vidu ankaŭ[redakti | redakti fonton]
Eksteraj ligiloj[redakti | redakti fonton]
- Vidu ankaŭ en la Vikimedia Komunejo la kategorion Chamoson – (Kolekto de bildoj kaj plurmediaj dosieroj)
| ||||||
