Levski Sofija - plena nomo ПФК Левски София, PFK Levski Sofija (profesia futbala klubo "Levski" Sofio) - estas unu el la plej sukcesaj futbalkluboj de Bulgario. Kiel la nomo indikas, ĝi baziĝas en la urbo Sofio kaj kompreneble estas unu el pluraj futbalkluboj de la urbo. En la sezono 2020/21, la unua vira teamo de la klubo atingis la 8-an pozicion de la 1-a bulgara ligo de profesia futbalo (Parva liga). La kluba emblemo estas la cirila litero Λ ("L") en stiligita malhelblua formo (kvazaŭ Λ) sur blanka fono (aŭ inverse, blanka litero sur malhelblua fono, sed ĉiukaze la litero aspektanta kvazaŭ doma tegmento aŭ esperanta "ĉapela" supersigno).
