Limigo de pafiloj
Pafilkontrolo (ankaŭ armilkontrolo, pafilpolitiko kaj pafilreguligo) difinas la jurajn postulojn de lando rilate al la fabrikado, translokigo, akiro kaj posedo de pafiloj (kaj pli ĝenerale ĉiaspecaj armiloj). La interkonsento inter totala malpermeso kaj libera, senbrida aliro al armiloj dependas de la historio kaj ideologio de lando. Internaciaj traktatoj ankaŭ influas naciajn pafilleĝojn.
Efektive, temas pri la aro de leĝoj kaj politikoj, kiuj regas la fabrikadon, vendon, translokigon, posedon, stokadon, modifon kaj uzon de pafiloj fare de civiluloj.
Armilvendoj povas plifortigi la ofensivan aŭ defensivan potencon de la aĉetanto, malhelpi lokajn metiojn per importado aŭ faciligi kontraŭleĝan posedon, generi signifajn profitojn por fabrikantoj, kaj endanĝerigi la regantojn, pafilposedantojn aŭ publikan sekurecon de ŝtato. Kontrolleĝoj tial varias laŭ sia celo.
Kelkaj landoj permesas la posedon kaj portadon de pafiloj. Landoj, kiuj reguligas aliron al pafiloj, tipe limigas aliron al certaj kategorioj de pafiloj kaj ankaŭ determinas, kiu povas ricevi permesilon por aliri tiajn armilojn. Ekzistas apartaj permesiloj por ĉasado, celpafado, memdefendo , kolektado kaj kaŝita portado. Malsamaj specoj de permesiloj tipe havas malsamajn postulojn por akiri ilin, la kategoriojn de permesitaj armiloj, kaj la kondiĉojn por ilia stokado kaj uzo.
La rajto porti armilojn estas difinita en la konstitucioj de nur tri landoj: Gvatemalo, Meksiko kaj Usono. Samtempe, loĝantoj de Usono, kiuj konsistigas ĉirkaŭ 4% de la monda loĝantaro, posedas 46% de la civilaj pafiloj de la mondo. [1]
Referencoj
[redakti | redakti fonton]- ↑ La Dua Amendo: Kiel Civila Pafilposedo evoluis ĉirkaŭ la mondo. Alirita la 15-an de decembro 2022. Arkivita la 15-an de decembro 2022.
Vidu ankaŭ
[redakti | redakti fonton]Eksteraj ligoj
[redakti | redakti fonton]- GunPolicy.org (el Retarkivo {{{1}}}) angle