Lina Gabrielli

El Vikipedio, la libera enciklopedio
Saltu al: navigado, serĉo
Lina Gabrielli
Persona informo
Naskiĝo 23-an de majo 1930 (1930-05-23)
Morto 16-a decembro 2016
Lingvoj Esperanto [#]
Civitaneco itala
[#] Fonto: Vikidatumoj
v  d  r
Information icon.svg

Lina GABRIELLI naskiĝis en 1930, mortis la 16-an decembro 2016. Ŝi estis itala esperantistino ekde 1955 kaj honora membro de UEA.

Ĵurnalistino, eldonisto, membro de UEA ekde 1957, delegito de tiam ĝis 1984. Ŝi gvidis multajn kursojn. Membro de Esperantlingva Verkista Asocio, ŝi redaktis kaj eldonis dulingvan bultenon, Voce del Centro Esperantista Piceno, de kiu aperis pli ol 280 numeroj. Ekde 1974 sub la marko Plejado ŝi eldonis kvardekon da altnivelaj libroj. Krom verki en la itala, i.a. biografiojn pri famuloj de sia urbo, ŝi verkis en Esperanto volumojn da noveloj kaj poemoj: La kombilo (1962), Bill kaj lazuraj okuloj (1964), Karnavalo (1973), Ni devas vivi (kun K. Walraamoen, 1975), La ĝardeno de la urbestro (1978), Vivendo (1979), Nuancoj (kun K. Szczurek, 1980). Ŝi ankaŭ eldonis en Esperanto la memorlibron pri la vivo de Lev Tolstoj verkitan de lia unua sekretario Victor Lebrun, kiu poste aperis en angla traduko[1].

Multfoje ŝi premiiĝis en Belartaj kaj aliaj literaturaj konkursoj. Ŝi estis multlande ŝatata prelegantino kaj Esperanto-instruantino. Ŝi estis membro de PEN Klubo internacia kaj kunlaboris kun regionaj kaj naciaj tagĵurnaloj[2].

Ŝi ricevis la oran medalon de la ordo de ĵurnalistoj de Ancona. En la itala ŝi verkis jenon : Gente picenaUn cuore caldoFantasie dell’animaRacconti della giovane etàBaci non chiesti.

Eksteraj ligiloj[redakti | redakti fonton]

Libroj kaj aliaj dokumentoj de kaj pri Lina Gabrielli en la Kolekto por Planlingvoj kaj Esperantomuzeo

Rakontoj de Lina Gabrielli en La Gazeto (OSIEK)

Referencoj[redakti | redakti fonton]

  1. (angla) Leo Tolstoy by Victor Lebrun
  2. (itala) Lina Gabrielli, Genesi Editrice