Linio 6 (Metroo de Madrido)

El Vikipedio, la libera enciklopedio
Jump to navigation Jump to search
Kajoj de la Linio 6 en la stacidomo Guzmano la Bona.

La linio 6 estas la ununura ronda linio de la metroo de Madrido, kaj ĝi vertebrigas la sistemon, faciligante la trairon inter la periferiaj lokoj kaj tiel evitas la radiecon se ĝi mankus. Ĝi konsistas el 28 stacioj kun kajoj el 115 metroj, ligitaj per 23,472 km da fervojoj en tunelo el larĝa galibo. Ĝi permesas ŝanĝi trajnon dufoje al ĉiuj linioj de la reto kaj eĉ tri en la linioj 3 kaj 4) krom la linioj 8 kaj 11, kiuj ekiĝas el la ronda linio sed ne estas en ĝi, kaj de la periferiaj (kiaj la linio 12 kaj tiuj de la Leĝera Metroo).

Ĉar konstruita por la ŝanĝo de trajnoj kun multaj aliaj linioj kaj por trairi tutan centran zonon de la urbo, plena je deklivoj, estas unu el la unuaj linioj, kune kun la linio 5, kiu konstruiĝis je granda profundeco, por ke ĝi ne suferu grandajn niveldiferencojn en sia trairo. En ĝia trairo troviĝas kelkaj el la grandaj interŝanĝejoj konstruitaj dum la lastaj jaroj: Monkloo, Princo Pia, Elipsa Placo kaj Avenuo de Ameriko. Kaj la ligoj kun la trajna sistemo "Proksimaĵoj" (Cercanías) de Novaj Ministerioj, Laguno kaj Méndez Álvaro kiu estas ankaŭ la Aŭtobusa Suda Stacidomo de Madrido.