Listo de urboj en Ukrainio

Reviziita versio de ĉi tiu paĝo, aprobita je 15 aŭg. 2014, estis bazita sur ĉi tiu versio.

Jen listo de la plej grandaj urboj en Ukrainio kun du tabeloj, el kiuj la unua estas ordigita laŭ nombro de loĝantoj kaj la dua laŭ administraj unuoj.

Noto:
Laŭ konsilo vikipedia pri geografiaj nomoj la nomo de subŝtato estu esperanta, nomo de urbo tamen nur tiam havu esperantan formon, se tiu formo estas vere vaste uzata. El la 25 subŝtatoj de Ukrainio 22 havas la nomon de urbo en sia nomo, do havas sencon ke tiuj 22 urboj rajtu je esperanta lokonomo (alikaze ekzistus "regiono Zaporiĵa" kun finaĵo -a, sed la substantivo estus "Zaporiĵja" kun finaĵo -ja [ne -o] = laŭ transskribo el la ukraina). Iuj kromaj urboj kiel Sebastopolo, Simferopolo kaj Jalto estas tradicie esperantaj (kaj la tri ekzemploj ankaŭ estas rete uzataj: ĉiuj laŭ serĉo per Google aperas en pli ol 50 paĝoj), tial ke ili restas esperantaj... kaj esperanta restas Ĉernobilo triste konatigita pro la nuklea katastrofo de 1986.

Urboj laŭ nombro de loĝantoj

La plej granda urbo de Ukrainio, la ĉefurbo Kievo, kun antaŭurboj dum januaro 2005 havis 3 015 108 loĝantojn. Pliaj grandaj urbaj centroj (urboj+antaŭurboj) estas Ĥarkovo kun 1 604 875 loĝantoj, Donecko kun 1 502 840 loĝantoj, Dnipropetrovsko kun 1 418 140 loĝantoj kaj Odeso kun 1 137 839 loĝantoj (ĉiam dum januaro 2005). Pli-malpli 20 procentoj de ĉiuj homoj en Ukrainio loĝas en tiuj kvin urbegoj.

La unua sekva tabelo enhavas ĉiujn urbojn kun pli ol 100 000 loĝantoj. Estas listigitaj la nomoj en Esperanto kaj en la ukraina, la nombro de loĝantoj laŭ nombradoj dum la jaroj 1989 kaj 2001 kaj takso pri la proksimuma nombro por 2005, kaj la administra unuo, al kio apartenas la urbo: Kievo estas sendependa urbo, kaj la resto de la lando estas dividita en 24 provincoj, kiuj nomiĝas "область". La nombroj de loĝantoj en la sekva tabelo nur kalkulas la verajn urbojn, ne la antaŭurbojn.

Urboj en Ukrainio
vico	nomo		loĝantoj			administra unuo
	en Esperanto	en la ukrainia	laŭ nombrado 1989	laŭ nombrado 2001	laŭ takso 2005
1.	Kievo	Київ	2 595 000	2 611 327	2 660 401	Kieva provinco
2.	Ĥarkovo	Харків	1 610 000	1 470 902	1 464 740	Ĥarkova provinco
3.	Dnipropetrovsko	Дніпропетровськ	1 178 000	1 056 497	1 032 816	Dnipropetrovska provinco
4.	Odeso	Одеса	1 115 000	1 029 049	1 007 131	Odesa provinco
5.	Donecko	Донецьк	1 113 000	1 016 194	999 975	Donecka provinco
6.	Zaporiĵo	Запоріжжя	881 000	815 256	799 348	Zaporiĵa provinco
7.	Lvivo	Львів	791 000	732 818	733 728	Lviva provinco
8.	Krivij-Rih	Кривий Ріг	726 000	668 980	696 667	Dnipropetrovska provinco
9.	Nikolajevo	Миколаїв	524 000	514 136	509 011	Nikolajeva provinco
10.	Mariupol	Маріуполь	519 000	492 176	482 440	Donecka provinco
11.	Luhansko	Луганськ	497 000	463 097	452 789	Luhanska provinco
12.	Makijivka	Макіївка	425 000	389 589	375 992	Donecka provinco
13.	Vinico	Вінниця	374 000	356 665	360 241	Vinica provinco
16.	Ĥersono	Херсон	355 000	328 360	319 278	Ĥersona provinco
17.	Poltavo	Полтава	314 700	317 998	309 960	Poltava provinco
18.	Ĉernihivo	Чернігів	296 300	304 994	300 497	Ĉernihiva provinco
19.	Ĉerkaso	Черкаси	290 300	295 414	293 271	Ĉerkasa provinco
20.	Sumio	Суми	291 300	293 141	282 198	Sumia provinco
21.	Horlivka	Горлівка	338 000	292 250	279 061	Donecka provinco
22.	Ĵitomiro	Житомир	292 100	284 236	277 875	Ĵitomira provinco
23.	Ĥmelnicko	Хмельницький	237 000	253 994	255 902	Ĥmelnicka provinco
24.	Dniprodzerĵinsko	Дніпродзержинськ	282 000	255 841	249 530	Dnipropetrovska provinco
25.	Kirovohrado	Кіровоград	270 000	254 103	248 367	Kirovohrada provinco
26.	Rivno	Рівне	228 000	248 813	247 870	Rivna provinco
27.	Ĉernivco	Чернівці	257 000	240 621	242 250	Ĉernivca provinco
28.	Kremenĉuk	Кременчук	236 500	234 073	231 202	Poltava provinco
29.	Ternopilo	Тернопіль	206 000	227 755	220 720	Ternopila provinco
30.	Ivano-Frankivsko	Ивано-Франківськ	214 000	218 359	219 479	Ivano-Frankivska provinco
31.	Bila-Cerkva	Біла Церква	196 900	200 131	204 794	Kijiva provinco
32.	Lucko	Луцьк	197 700	208 816	202 915	Volina provinco
33.	Kramatorsko	Краматорськ	198 000	181 025	174 892	Donecka provinco
34.	Melitopolo	Мелітополь	173 000	160 657	159 288	Zaporiĵa provinco
36.	Nikopolo	Нікополь	158 000	136 280	131 774	Dnipropetrovska provinco
37.	Slovjansko	Словьянськ	135 000	124 829	122 049	Donecka provinco
38.	Berdjansko	Бердянськ	133 000	121 692	119 290	Zaporiĵa provinco
39.	Uĵhorodo	Ужгород	117 000	117 317	117 028	Transkarpata provinco
40.	Alĉevsko	Алчевськ	125 000	119 193	116 954	Luhanska provinco
41.	Severodoneck	Северодонецьк	131 000	119 940	116 354	Luhanska provinco
42.	Pavlohrado	Павлоград	131 000	118 816	113 748	Dnipropetrovska provinco
43.	Lisiĉansko	Лисичанськ	127 000	115 229	111 451	Luhanska provinco