Loli Tormenta

Loli Tormenta
filmo
Originala titolo	Loli Tormenta
Originala lingvo	hispana lingvo
Kina aperdato	31 mar. 2023
Ĝenro	komedia filmo
Reĝisoro(j)	Agustí Villaronga
Filmita en	Barcelono
Loko de rakonto	Metropola areo de Barcelono
Rolantoj	Susi Sánchez • Celso Bugallo Aguiar • Fernando Esteso
IMDb
	v • d • r

Loli Tormenta estas hispana komedieca drama filmo de 2023, reĝisorita de Agustí Villaronga kaj bazita sur la samnoma grafika novelo de Mario Torrecillas kaj Núria Farré. La protagonistoj estas Susi Sánchez, Joel Gálvez, Celso Bugallo, Mor Millán, Meteora Fontana kaj Fernando Esteso.

Ĝi estis la postmorta filmo de lia reĝisoro Agustí Villaronga, kiu fakte mortis du monatojn antaŭ la premiero de la filmo. Li traktis draman temon kiel estas la Malsano de Alzheimer per komedieca tono kaj malpezaj epizodoj inter ĉefe tri geknaboj.

Intrigo

Averto: La teksto, kiu sekvas, malkaŝas detalojn pri la intrigo de la rakonto.

Lola estas moderna kaj ĥaosa avino de Edgar kaj Robert, pri kiuj ŝi zorgas post la morto de sia filino, patrino de la knaboj, antaŭ kelkaj jaroj. La triopo loĝas malriĉe ĉe la ĉirkaŭaĵo de Barcelono, sed ĉio komplikiĝas kiam Lola eksuferas fortan procezon de la Malsano de Alzheimer, kiu okazigas problemojn hejme kaj en la lernejo de la knaboj. Tiuj tute ne deziras esti apartigitaj de la avino kaj ĉefe esti metitaj en alia hejmo de akceptado; tial ili zorgas pri la avino montrante spriton kaj bonhumoron, kaŝante al ĉiuj la malfacilan situacion. Ili estas helpataj ĉefe de nigra samlernejanino kun kiu la plej aĝa de la fratoj konkurencas atletisme. Dum la situacio de la avino malboniĝas, la frato de Lola volas alproprigi sin de la domo kaj la fratoj devas akiri monon por aĉeti manĝaĵojn kaj pagi la kotizojn de la lerneja manĝejo.

Averto: Malkaŝado de la intrigo de la rakonto ĉi tie finiĝas.