Lombardio
Lombardio | |
itale Lombardia | |
Flago | Blazono |
regiono de Italio • kultura regiono | |
---|---|
Kodo: | LOM |
Ŝtato: | Italio |
Areo: | 23,861 km² |
Ĉefurbo: | Milano |
Loĝantaro: | 9.475.202 loĝ. |
Loĝdenso: | 397 loĝ./km² |
Provincoj: | Bergamo, Breŝo, Como, Kremono, Lecco, Lodi, Mantova, Milano, Monza kaj Brianza, Pavia, Sondrio, Varese |
Komunumoj: | listo de 1546 komunumoj |
Kodo laŭ ISTAT: | 03 |
Retejo: | oficiala paĝo |
Lombardujo aŭ Lombardio (itallingve Lombardia [lombarDIa]) estas regiono en norda Italio. Ĝia ĉefurbo estas Milano; aliaj gravaj urboj estas Breŝo, Monza, Pavio, Bergamo, Como, Kremono kaj Varese.
Lombardujo troviĝas inter Svislando (kantonoj Tiĉino kaj Grizono) norde, Trentino-Supra Adiĝo/Sudtirolo kaj Venetio oriente, Emilio-Romanjo sude, kaj Piemonto okcidente.
La nomo de la regiono devenas de la nomo de la ĝermana popolo de la langobardoj, kies ĉefurbo estis Pavio.
Geografio
La Antaŭalpoj etendiĝas de la Lago Maggiore al la Lago di Garda. La ĉefaj alptransirejoj de Lombardujo estas Splügen (Lombardujo-Grizono, Svislando), Stelvio (Lombardujo-Supra Adiĝo/Sudtirolo), Tonale (Lombardujo-Trentino).
La suda limo de la regiono estas Pado, la plej longa rivero en la itala duoninsulo. Aliaj grandaj riveroj estas Tiĉino, Adda, Oglio. En la nordo troviĝas la lombardujaj lagoj: Lago Maggiore, Lago de Lugano, Lago de Como, Lago Iseo, Garda-Lago. Pri tiuj oni povas konsideri, ke Lombardujo, spite esti interna regiono (nemara), ĝuas 600 km da akvobordo, kvazaŭ marbordo.
Ĉefaj urboj
1 | Milano | Provinco Milano | 1 303 300 loĝ. |
2 | Breŝo | Provinco Brescia | 190 100 loĝ. |
3 | Monza | Provinco Monza kaj Brianza | 121 500 loĝ. |
4 | Bergamo | Provinco Bergamo | 115 700 loĝ. |
5 | Como | Provinco Como | 83 300 loĝ. |
6 | Varese | Provinco Varese | 82 200 loĝ. |
7 | Sesto san Giovanni | Provinco Milano | 80 700 loĝ. |
8 | Busto Arsizio | Provinco Varese | 80 000 loĝ. |
9 | Cinisello Balsamo | Provinco Milano | 74 200 loĝ. |
10 | Kremono | Provinco Cremona | 70 900 loĝ. |
Ekonomio
Lombardujo, unu el la plej riĉaj landoj en Eŭropo, estas plena je industrioj: ŝtalfabrikoj (Falck), rafinejoj, aŭtofabrikoj (Autobianchi, Maserati, Alfa, Innocenti), eldonejoj (Rizzoli, Mondadori), fabrikoj de meblaro, ŝuoj, nutraĵoj, ktp.
Provincoj
La dekdu provincoj de Lombardujo estas Varese [vareze], Como [komo], Lecco [lekko], Sondrio [sondrjo], Milano [miLAno], Bergamo [bergamo], Pavio aŭ Pavia [pavia], Lodi [lodi], Kremono aŭ Cremona [kremona], Breŝo aŭ Brescia [breŝa], Mantova [mantova] kaj Monza [monca]. La provinco de Monza kaj Brianza jam estas oficiale aktiva, sed ĝiaj agadoj komenciĝos en 2009.
Aldonaj bildoj
-
Bellagio kaj la Lago de Como.
-
Piazza Duomo, en Milano.
Eksteraj ligiloj
greke http://www.regione.lombardia.it
|