Marĉotroglodito

El Vikipedio, la libera enciklopedio
(Alidirektita el Longbeka cistotoro)
Saltu al: navigado, serĉo
Vikipedio:Kiel legi la taksonomionKiel legi la taksonomion
Marĉotroglodito
Marĉotroglodito
Marĉotroglodito
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Paseroformaj Passeriformes
Familio: Trogloditedoj Troglodytidae
Genro: Cistothorus
Specio: C. palustris
Cistothorus palustris
(Wilson, 1810)
Konserva statuso
{{{220px}}}
Konserva statuso: Malplej zorgiga
Aliaj Vikimediaj projektoj
v  d  r
Information icon.svg

La Marĉotroglodito, Longbeka cistotoroLongbeka marĉotroglodito, (Cistothorus palustris) estas malgranda birdo de la familio de Trogloditedoj en Ameriko. Ĝi estas foje nomata Longbeka cistotoro por distingi ĝin el la Mallongbeka cistotoro, konata ankaŭ kiel Mallongbeka marĉotroglodito.

Plenkreskuloj havas brunajn suprajn partojn kun helbrunaj ventro kaj flankoj kaj blankaj gorĝo kaj brusto. La dorso estas nigra (malkutime ĉe trogloditedoj) kun blankaj strioj. Ili havas malhelan (brunnigra) kronon kun blanka linio superokula kaj mallonga maldika beko. La flugilplumoj kaj vosto (kutime levata) estas malhele striitaj.

La kanto de la masklo estas laŭta pepado uzita por sciigi posedon de teritorio; okcidentaj maskloj havas plei varian kantaron.

La reprodukta habitato de la Marĉotroglodito, kiel ties nomo sugestas, estas marĉoj kun alta kreskaĵaro kiaj tifao en Nordameriko. En okcidenta Usono, kelkaj birdoj estas loĝantaj birdoj. Aliaj birdoj migras al marĉoj kaj salmarĉoj de suda Usono kaj Meksikio.

Tiuj birdoj manĝas aktive en vegetaĵaro, foje ekflugsaltante por kapti insektojn dumfluge. Ili manĝas ĉefe insektojn, sed ankaŭ araneojn kaj helikojn.

La nesto estas ovoforma bulko ligita al marĉoplantaro, kun flanka enirejo. La ino demetas kutime 4–6 ovojn, kvankam tiu nombro povas gami el 3 al 10.[1] La masklo konstruas multajn neuzatajn nestojn en sia teritorio; li povas pikorompi ovojn de aliaj birdoj nestumantaj najbare.

Tiu birdo estas ankoraŭ komuna, kvankam ties nombroj malpliiĝis pro perdo de taŭga humideja habitato. Sekigado de marĉoj povas kaŭzi lokan formorton. Ankoraŭ tiu specio estas tiom disvastigata ke oni povas konsideri ĝin Ne Minacata laŭ la kriterioj de la IUCN.

Referencoj[redakti | redakti fonton]

  1. All About Birds: Marsh Wren. Alirita 2008-07-20.
  • IUCN2006, BirdLife International, 2004, 52007, Cistothorus palustris, 12a Majo 2006. Malplej zorgiga
  • Henninger, W.F. (1906): A preliminary list of the birds of Seneca County, Ohio. Wilson Bulletin 18(2): 47-60. DjVu plena teksto PDF plena teksto

Eksteraj ligiloj[redakti | redakti fonton]