Los muertos no se tocan, nene

Los muertos no se tocan, nene
filmo
Originala titolo	Los muertos no se tocan, nene
Originala lingvo	hispana lingvo
Kina aperdato	18 nov. 2011
Ĝenro	komedia filmo
Reĝisoro(j)	José Luis García Sánchez
Scenaro	José Luis García Sánchez • David Trueba
Muziko de	Antonio Meliveo
Rolantoj	Blanca Romero • Silvia Marsó • Airas Bispo • Javier Godino • Carlos Álvarez-Nóvoa • Carlos Iglesias • Mariola Fuentes • Álex Angulo • Roberto Bodegas • Carlos Larrañaga • María Galiana • Priscilla Delgado • Luis Bermejo Prieto
IMDb
	v • d • r

Los muertos no se tocan, nene (Mortintoj ne tuŝendas, filĉjo) estas hispana komedia filmo de nigra humuro de 2011 reĝisorita de José Luis García Sánchez. La filmo estis ekfilmita tutkolore, sed por plej ĝuste portreti la etoson de la 1950-aj jaroj, oni konvertis ĝin al nigrablanka versio. La filmo estas bazita sur samnoma verko de Rafael Azcona kaj ĝi finfine kompletigas trilogion kun El pisito kaj El cochecito, komencita en 1958, kvankam ĝi ne povis esti kinigita en sia epoko ĉar la cenzuro ne permesis tion tiam. La kinisto José Luis García Sánchez kaj David Trueba, kunlabore kun Bernardo Sánchez, reentreprenis la projekton.

Intrigo[redakti | redakti fonton]

Averto: La teksto, kiu sekvas, malkaŝas detalojn pri la intrigo de la rakonto.

En provinceca urbo (Logroño) mortas la jarcentaĝa avo, kion fakte la familianoj esperas. La kerno de la intrigo konsistas en la sinsekva apero de la plej absurdaj roluloj, parte vere proksimuloj, sed aliaj tute altiritaj de la "evento", kio rezultas en superrealismaj, amuzaj, absurdaj scenoj. Fone estas la realisma portreto de mezklasa familio (avo kaj tri pliaj generacioj, servistino, pordistino, abandonita fratino ktp.), de la provinceca socio ktp., kun fokuso al armeo, eklezio, sociaj rilatoj ktp.

Averto: Malkaŝado de la intrigo de la rakonto ĉi tie finiĝas.