Louis-Christophe Zaleski-Zamenhof

El Vikipedio, la libera enciklopedio
Saltu al: navigado, serĉo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
Louis-Christophe Zaleski-Zamenhof
doktoro inĝeniero
doktoro inĝeniero
Personaj informoj
Naskiĝo 23-an de januaro 1925 (1925-01-23) (92-jara)
en Varsovio
Ŝtataneco Pollando
Profesio inĝeniero, esperantisto
Lingvokapablo Esperanto, franca lingvo
Familianoj
Edz(in)o Juliette Sekrecka, Krystyna Tyszka
Infanoj Hanna Zamenhof, Wanda Margret Zamenhof
Patro Adamo Zamenhof
Patrino Wanda Zamenhof
v  d  r
Information icon.svg

Louis-Christophe ZALESKI-ZAMENHOF (naskiĝis la 23-an de januaro 1925 en Varsovio) - doktoro inĝeniero, pri surlanda kaj enmara konstruado, aparte de premŝtalbetono, nepo de L. L. Zamenhof.

Vivo[redakti | redakti fonton]

Naskiĝis kiel filo de Adam Zamenhof (1888-1940) kaj Wanda Zamenhof (1893-1954). Dum la dua mondmilito kune kun sia plej proksima familio estis translokigita al al Varsovia geto. Aŭguste 1942 li sukcesis eskapi de Umschlagplatz (kajo), de kie estis forveturigita kiel senviva. Ili kaŝiĝis kun surnomo Zaleski ĉe pola familio. Post fino de la milito li finis Teknikan Universitaton en Varsovio.

Anekdoto: en tiu tempo, li laboris en tomatokampo, kun polo, kiu estis hazarde esperantisto; tiu ĉi provis varbi lin, kaj demandis "ĉu vi konas Esperanton? ktp.", Ludoviko-Kristoforo tuj respondis: " ho jes mi konas, ĝin inventis mia avo!" (poste li timis farinte malsingardemon kaj esti denuncota! sed ne).

Ekde la 1960aj jaroj li loĝas en Francio, kie nun estas emerita profesoro de altlernejo pri arkitekturo en Parizo kaj politekniko en Milano. Interalie projektis olimpikan stadionon en Montrealo kaj kruco-monumenton al generalo Charles de Gaulle.

Esperantio[redakti | redakti fonton]

Li verkis antaŭparolon por La Homo, kiu defiis Babelon, biografio de la iniciatinto de Esperanto verkita en la franca de René Centassi kaj Henri Masson.

Louis-Christophe Zaleski-Zamenhof dum la UK de Esperanto en Roterdamo, 2008
Louis-Christophe Zaleski-Zamenhof kun la vicurbestro de Bjalistoko Aleksander Sosna, UK 2008 en Roterdamo
Louis-Christophe Zaleski-Zamenhof kaj Marjorie Boulton dum la UK

En sia festparolado dum la 86-a UK 2001 en Zagrebo li i.a. diris: "Vi venis diskuti pri la Dialogo inter kulturoj, kies bezono iam ja inspiris la iniciaton de la Lingvo Internacia. Fakte, preskaŭ ĉiuj biografoj de Zamenhof mencias la legendon, laŭ kiu la juna Ludoviko vivanta en tiam multkultura urbo Białystok, observis malamon regantan inter la diversaj nacioj, ne trovantaj lingvon komune kompreneblan, ilon laŭ li necesan al la dialogo inter iliaj kulturoj respektivaj".

La Zamenhof-Fondumo en Bjalistoko aljuĝis al la papo Johano Paŭlo la 2-a la Medalon pri Toleremo. Transdonis ĝin L-C. Zaleski-Zamenhof, ties iniciatinto.

La 26-an de septembro 2004 li aktive partoprenis kiel honora gasto en la E-Debato en Varsovio organizita de japana Mecenato de Esperanto Etsuo Miyoshi kun helpo de Eduardo Kozyra por polaj eŭropdeputitoj (MEP).

Verkoj[redakti | redakti fonton]

Aŭtoro de pli ol cent sciencaj publikaĵoj en la pola lingvo, franca, angla kaj esperanto. Interalie:

  • J. P. Bonin, G. Deleuil, L. C. Zaleski-Zamenhof. "Foundation analysis of marine gravity structures submitted to cyclic loading." Offshore Technology Conference, Houston, Texas (1976). p. 571–579

Literaturo[redakti | redakti fonton]

Eksteraj ligiloj[redakti | redakti fonton]

Faces-nevit.svg Trovu « Louis-Christophe Zaleski-Zamenhof » inter la
Vizaĝoj de homoj
rilataj al la ideo
«Internacia Lingvo»