Luís Vaz de Camões

El Vikipedio, la libera enciklopedio
Jump to navigation Jump to search
Luís Vaz de Camões
Luís de Camões por François Gérard.jpg
Personaj informoj
Naskiĝo 30-an de novembro 1523 (1523-11-30)
en Lisbono
Morto 10-an de junio 1580 (1580-06-10) (56-jara)
en Lisbono
Kaŭzo de morto pesto
Tombo Monaĥejo de la hieronimanoj de Belém
Alma mater Universitato de Koimbro
Profesio poeto, dramisto, verkisto
Lingvoj hispana lingvo, portugala lingvo
Verkaro La Luzidoj
Familianoj
Edz(in)o

Patro Simão Vaz de Camões
Patrino Ana de Sá de Macedo
v  d  r
Information icon.svg

Luiz (aŭ Luís laŭ moderna portugala ortografio) VAZ de CAMÕES (naskiĝis en Lisbono ĉirkaŭ la jaro 1524; mortis en Lisbono la 10-an de junio 1580) estas konsiderata la plej grava portugala poeto kaj aŭtoro de la nacia epopeo.

Vivo[redakti | redakti fonton]

Vaz de Camões devenas el nord-portugala familio el la urbo Chaves. Dum kelkaj jaroj li loĝis en Koimbro (Coimbra) kie li ĉeestis universitatajn lecionojn pri hom-sciencoj en la Monaĥejo de Santa Cruz kie estis onklo lia, kiu estis pastro. Li revenis al Lisbono, kaj tie li pasigis "boheman" vivon. En 1553, post kiam Camões estis arestita pro interbatiĝo, li foriris al Barato (tiam "Hindio"). Tie li restis en la urbo Goao, tiuepoke portugala kolonio, kie li skribis gravan parton da sia verkaro. Camões revenis al Portugalio en 1569, malriĉa kaj malsana, sed sukcesis en 1572 publikigi la verkon La Luzidoj, kiu poste fariĝis la portugala popola epopeo, danke al la influo de kelkaj amikoj sur la tiama reĝo Sebastiano la 1-a.

Literatur-historie lia verko staras inter klasikismo kaj baroko.

Ĉefverkoj[redakti | redakti fonton]

  • Os Lusíadas (La Luzidoj:1572)
  • Rimas (Rimoj:1595)
  • El-Rei Seleuco (Reĝo Seleŭko:1587)
  • Auto de Filodemo (Aŭto de Filodemo:1587)
  • Anfitriões (Gastigantoj:1587).
Monumento al Luís Vaz de Camões, Lisbono

En Esperanto aperis[redakti | redakti fonton]

  • Luziadoj: III. kanto <parto> / Luiz Vaz de Camões. En: "Tutmonda sonoro": Kálmán Kalocsay; p. 314-319, vol. 1
  • La luzidoj <parto> / Camões. El la portugala trad. Leopoldo Knoedt. En: Nova Esperanta Krestomatio. - p. 122-127
  • La luzidoj / Camões. El la portugala lingvo trad. Leopoldo Knoedt. Antaŭparolo de Humphrey R. Tonkin. Enkonduko de Geraldo Mattos. Chapecó: Eld. Fonto 1980, 464 p.; ilustr., mapo

Bildaro[redakti | redakti fonton]

Eksteraj ligiloj[redakti | redakti fonton]