Ludwig Goppel
Ludwig GOPPEL (naskiĝis proksimume en 1901; mortis la 17-an de novembro 1975) estis germana esperantisto. En 1962 li estis distingita per honorbroŝo de GEA.
En la 1920aj jaroj li estis presejestro de Heroldo de Esperanto. Post la dua mondmilito li eldonis la gazetojn Esperanto-Post kaj Germana Esperanto-Revuo. Li tiam vivis en Regensburg.
Li tradukis:
- Walther Kloepffer: Vagabondo kaj Sinjorino. (Der Vagabund und die Dame.) Kolonjo: Heroldo de Esperanto, 1931. 203 paĝoj.
- Reinhold Conrad Muschler: La Nekonatino. (Die Unbekannte.) Limburg: Limburger Vereinsdruckerei. 65 paĝoj.
La frato de Ludwig, Alfons Goppel, inter la jaroj 1962 kaj 1978 estis la ministro-prezidanto de Bavario.