Mörnbach

El Vikipedio, la libera enciklopedio
Salti al navigilo Salti al serĉilo
Mörnbach
Mörnbach en Tüssling
Mörnbach en Tüssling
Bazaj informoj
Situo Distrikto Traunstein, distrikto Altötting
Longeco 43.66[1] km
Akvokolekta areo 190.253[2] km²
Fluo
Enfluejo al Inn ĉe Neuötting, 48° 15′ 12.7″ N 12° 41′ 51.4″ O / 48.253528 °N, 12.697611 °O / 48.253528; 12.697611 (mapo)
Geografio
Trairataj urboj Schnaitsee, Kienberg, Engelsberg, Tüssling, Altötting, Neuötting
Dekstraj alfluantoj Hirschbach, Eschbach, Sickenbach
Maldekstraj alfluantoj Stadlergraben, Fischbach
Wikidata-logo.svg
Information icon.svg
vdr

Mörnbach [mernbaĥ], foje nomata Mörn, estas rivereto en suda Bavario (Germanio). Ĝi estas dekstra alfluanto de Inn.[3]

Mörnbach fontas proksime de Schnaitsee en distrikto Traunstein kaj fluas pli-malpli nord-orienten, inter Tüssling kaj Altötting orienten. Norde de Neuötting ĝi atingas la riveron Inn, sed pro akvobaraĵo ties nivelo estas tro alta por enflui. Mörnbach do devas turniĝi orienten kaj post 1,5 kilometroj povas enflui.

La registra numero (Gewässerkennzahl) de Mörnbach estas 18394. Per longo de iom pli ol 40 km ĝi apartenas al la 100 plej longaj riveroj en Bavario.[1]

Disbranĉiĝoj[redakti | redakti fonton]

Plurloke oni forkondukas akvon de Mörnbach por utiligi ĝin aliloke. En Tüssling maldekstren debranĉiĝas Teisinger Bach, kiu trafluas Teising kaj atingas la riveron Inn antaŭ Mörnbach. Poste dekstren forfluas akvo al Sickenbach, kiu en Altötting refluas al Mörnbach. En Altötting elfluas Mörnbach-kanalo.[4]

Legendo[redakti | redakti fonton]

Laŭ legendo en 1489 knabo dronis en Mörnbach. Lia patrino metis lian korpon sur la altaron de la maria kapelo en Altötting kaj preĝis pri lia savo, kaj la knabo reviviĝis. Tiu miraklo fondis la reputacion de Altötting kiel pilgrimejo.

Notoj[redakti | redakti fonton]

  1. 1,0 1,1 Bäche und Flüsse in Bayern (PDF). Bayerisches Landesamt für Umwelt. Alirita 2015-04-15.
  2. Grundlagendaten Fließgewässer Bayern. Bayerisches Landesamt für Umwelt. Alirita 2015-04-15.
  3. Albrecht Greule. (2014) Deutsches Gewässernamenbuch: Etymologie der Gewässernamen und der zugehörigen Gebiets-, Siedlungs- und Flurnamen (germane).
  4. Überschwemmungsgebietsermittlung HQ100 Mörnbach / Sickenbach (germane). aquasoli (2010-06-29). Alirita 2015-04-16., 2.3
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.