Madagaskara ibiso

Kiel legi la taksonomionMadagaskara ibiso
	; Madagaskara ibiso
Biologia klasado
Regno:	Animalia - animaloj;
Filumo:	Chordata - ĥorduloj;
Klaso:	Aves - birdoj;
Ordo:	Pelecaniformes - pelikanoformaj;
Familio:	Threskiornithidae - treskiornitedoj;
Genro:	Threskiornis - treskiornito, ibiso;
Specio:	T. bernieri - madagaskara ibiso;
Dunomo
	Threskiornis bernieri; (Bonaparte, 1855)
Konserva statuso
	; Konserva statuso: En danĝero
Subspecioj
	2 subspecioj, vidu tekston.
Aliaj Vikimediaj projektoj
	Sistematiko en Vikispecioj
	Komunejo pri Madagaskara ibiso
	v • d • r

La madagaskara ibiso^[1] (latine Threskiornis bernieri) estas birdospecio el treskiornitedoj.

Taksonomio

Kutime konsiderata kiel samspecia kun la sankta ibiso (T. aethiopicus), la madagaskara ibiso nun estas klasifikita kiel aparta specio kun du subspecioj.

Laŭ AviList^[2], jen ĉi-sube la listo de la akceptitaj taksonoj por tiu specio, kaj ties Esperantaj nomoj^[1]:

Pelecaniformes - pelikanoformaj
- Threskiornithidae - treskiornitedoj
  - Threskiornis Gray, GR, 1842 - treskiornito, ibiso
    - Threskiornis bernieri (Bonaparte, CLJL, 1855) - madagaskara ibiso
      - Threskiornis bernieri bernieri (Bonaparte, CLJL, 1855)
      - Threskiornis bernieri abbotti (Ridgway, R, 1893) - aldabra ibiso

Aspekto

Ĝi estas blanka ibiso kun nigraj senplumaj kapo kaj kolo kaj nigraj plumoj ĉe la pugo. La beko estas longa, nigra kaj subenkurba.

Distribuado kaj habitato

La tipa subspecio T. b. bernieri troviĝas en Madagaskaro ĉe la okcidenta marbordo. La subspecio T. b. abbotti estas endemia en Aldabro (Sejŝeloj). Ties natura habitato estas subtropikaj aŭ tropikaj mangrovaj arbaroj, kotejoj de estuaroj, intertajdaj kotejoj, kaj marbordaj salakvaj lagunoj. Ĝi estas minacata pro habitatoperdo.