Madame de Sévigné
| Madame de Sévigné | ||
|---|---|---|
| ||
| Persona informo | ||
| Marie de Rabutin-Chantal, marquise de Sévigné | ||
| Naskonomo | Marie de Rabutin-Chantal | |
| Naskiĝo | 5-an de februaro 1626 en Parizo | |
| Morto | 17-an de aprilo 1696 (70-jara) en Grignan | |
| Mortis pro | naturaj kialoj [#] | |
| Mortis per | variolo [#] | |
| Tombo | Collegiate Church Saint-Sauveur of Grignan [#] | |
| Lingvoj | franca [#] | |
| Ŝtataneco | Francio [#] | |
Subskribo 
| ||
| Familio | ||
| Patro | Celse-Bénigne de Rabutin [#] | |
| Patrino | Marie de Coulanges [#] | |
| Edz(in)o | Henri de Sévigné [#] | |
| Infanoj | Françoise-Marguerite de Sévigné • Charles de Sévigné [#] | |
| Profesio | ||
| Okupo | epistolisto • verkisto [#] | |
| [#] | Fonto: Vikidatumoj | |
Marie de Rabutin-Chantal, konata kiel la markizino aŭ, pli simple, Sinjorino de Sévigné, estas franca verkintino de leteroj, naskiĝinta la 5-an de februaro 1626-a en Parizo, en la paroĥo Saint-Paul, kaj mortinta la 17-an de aprilo 1696 en la kastelo de Grignan (en la departemento Drôme).
Biografio[redakti | redakti fonton]
Devenoj kaj familio[redakti | redakti fonton]
Filino de Celse-Bénigne de Rabutin (1596-1627), barono de Chantal, kaj de Marie de Coulanges (1603-1633), lia edzino, ŝi naskiĝis en la tiel nomata hotelo de Coulanges [urba domego], restadejo de ŝiaj patrinaj geavoj, Philippe la Unua de Coulanges (1565-1636) kaj Marie, naskita de Bèze, (1576-1634). La palaco troviĝas je la n-ro 1-bis sur la Reĝa Placo (nuntempe inter la 1-bis placo de Vogezoj kaj la 11-bis, strato de Birague) meze de la franca ĉefurbo, kie restas tiam liaj gepatroj. Baptita la morgaŭon, 6-an de februaro, en la preĝejo Saint-Paul de Parizo, ŝia naskiĝatestilo indikas ke ŝia baptopatro nomiĝas Charles Le Normand, sinjoro de Beaumont, «estro de maljuna regimento, guberniestro de La Fère kaj unua ĉefservisto de la Reĝo» kaj ke ŝia baptopatrino estas ŝia avino «Damo Marie de Bèze, edzino de Nobela Moŝto Philippe de Coulanges, konsilisto de la Reĝo en liaj ŝtataj kaj privataj konsilioj.» Oni donis al la infano la antaŭnomon de ŝia avino (kaj baptopatrino), Marie.
Celse-Bénigne de Rabutin de Chantal estis mortigata en la jaro 1627 dum la sieĝo de La Rochelle (1627-1628), sub la komando de la markizo Jean de Saint-Bonnet de Toiras kaj do postlasis vidvinon, Marie de Coulanges kaj orfinon, la unujaran etulinon Marie. Ses jarojn poste, ŝi ankaŭ perdis sian patrinon.
