Modela fervojo
Modeltrajno (Makettrajno aŭ miniaturtrajno) estas laŭskale malgrandigita reproduktado de originala trajno. La elementoj de la reproduktado ĉefe estas trajnoj, konstruaĵoj kaj pejzaĝoj. Estas tipe, ke la miniaturaj lokomotivoj povas mem veturi per enkonstruita propulsilo. La rapideco de veturanta makettrajno estas regulita aŭ permane aŭ duonaŭtomate per rega panelo aŭ tutaŭtomate per relajsoj, elektroniko kaj/aŭ komputilo.
La konstruado, aranĝado kaj uzado de tiuj makettrajnoj iĝas hobio por multaj homoj kiuj malstreĉiĝas per detala dediĉado al tiu agado. Krome kaj je pli alta skalo makettrajnoj povas esti allogaĵo ĉu por turismaj celoj ĉu kiel propagando por fervojaj instancoj, ĉu muzeoj, ĉu ŝtataj institucioj, ĉu stacidomoj ktp.