Maksim Marcinkeviĉ

El Vikipedio, la libera enciklopedio
Jump to navigation Jump to search
Maksim Marcinkeviĉ
Maxim Martsinkevich talks on the Russian penitentiary system – September 27, 2012.jpg
Personaj informoj
Naskiĝo 8-an de majo 1984 (1984-05-08) (34-jara)
en Moskvo
Ŝtataneco Rusio
Alma mater Russian State Social University
Profesio politikisto
v  d  r
Information icon.svg

Marcinkeviĉ Maksim Sergejeviĉ, ruse Максим Сергеевич Марцинкевич (naskiĝis la 8-an de majo 1984) estas rusia socia aktivulo, nacisocialisma propagandisto, verkisto, televidprezentisto kaj blogisto. Li estas konata kiel kunordiganto de la movado "Restrukt". Li gvidas multajn projektojn, inter ili "Okupaj-Pedofilaj", kiu (laŭ propraj asertoj) okupiĝas pri luktado kontraŭ pedofilio kaj pri propagando de nacisocialismo inter adoleskuloj.

Li havas ankaŭ popularan kromnomon "Tesak" ("tranĉarmilo", ruse Теса́к), akirinte ĝin pro sia emo al militaj tranĉiloj.

Dekomence Marcinkeviĉ akiris konatecon kiel naci-razkapulo kaj gvidanto de naciisma organizaĵo "Formato-18". Li estis dufoje kulpigita pri incito de interetna malamikeco (duan fojon - en 2009 pro rasisma videofilmeto). Pri sia vivo, luktado kaj prizonigo li verkis libron. Nuntempe li nenie laboras, akiras monon de siaj samideanoj, kiuj ĉasas pri pedofiloj.

Li havas multajn subtenantojn (plejparte en Rusio). Lia paĝo en la interkona retejo VKontakte havas pli ol 135 mil subskribintojn.

Fruaj jaroj[redakti | redakti fonton]

Maksim asertas, ke li havas miksan rusa-pola-litova-belorusan devenon. Lia avo partoprenis la Duan mondmiliton kaj kun Sovetia armeo atingis Berlinon. Lia patrino ne konsentis kun nacionalismaj ideoj de la filo, sed lia patro subtenis lin. Li estis alvokita al la armeo, kie forte plenbatis soldaton-azerbajĝananon; oni konstatis lian psikan malsanon. Li studis en Moskva konstruista instituto, sed ne finstudis ĝin. Li provis komerci pri muziko.

"Formato 18"[redakti | redakti fonton]

Marcinkeviĉ partoprenis unuiĝon de naci-razkapuloj "Rusa celo" (ruse Русская цель), ĝis 2003 estis membro de "Popola nacia partio".

En 2005 li unuigis naciistojn en nova organizaĵo "Formato 18" (ruse Формат 18). La nomo estis prenita de la nomo Adolf Hitler: "A" estas la 1-a litero de latina alfabeto, "H" estas la oka. Ĝiaj membroj okupiĝis pri plenbatado de laboristaj enmigrantoj kaj senhejmuloj, filmigis tion kaj almetis en la Interreton. Krome, ili kreadis lud-filmetojn, incitantajn malamikecon rilate al antifaŝistoj kaj nigruloj.

La organizaĵo havis propran retpaĝaron, poste malfermitan pro peto de kontraŭfaŝistoj. La movado ricevis multajn subtenantojn el Rusio, kiuj komencis fari la samon (ankaŭ nuntempe).

En 2007 en la reto aperis videofilmeto kun kruela mortigo de du homoj, nomata "Mortpuno de taĝiko kaj dagestanano". La evento estis reala.

"Formato 18" estis oficiale malpermesita en 2010 pro ekstremismo.

Plua agado kaj kondamnoj[redakti | redakti fonton]

La 28-an de februaro 2007 Marcinkeviĉ kun samideanoj vizitis klubon, kie pasis politika debato inter Julija Latinina kaj Maksim Kononenko. Li demandis ĵurnalistojn, ĉu ili konsentas, ke nepre endas mortigi demokratojn por prospero de Rusio, kaj ekkriis "Sig!". Liaj kunuloj respondis "Heil!" Tio daŭris kelkajn minutojn. La 2-an de julio 2007 Marcinkeviĉ estis arestita, la 18-an de februaro 2008 kulpigita.

La dua kulpigo okazis en 2009 pro videofilmeto pri murdo de taĝiko. La juĝistaro kondamnis lin al 3 jara kondiĉa puno (prizonigo hejme, germane Strafaufschub).

La 31-an de decembro 2010 li estis fine liberigita.

En aŭtuno de 2013 Maksim forveturis al Belorusio. La 13-an de decembro 2013 Marcinkeviĉ estis distance arestita pro la samaj aferoj.

En decembro de 2013 li venis al Kubo. La 16-an de decembro li publikigis sian skribon, kie informis, ke li plue intencas daŭrigi sian agadon kaj evoluigi organizitan de li movadon[1]. La 17-an de januaro 2014 Marcinkeviĉ estis malliberigita en Kubo pro nelaŭleĝa enmigrado kaj poste revenigita al Moskvo el Havano per aviadilo. La 27-an de januaro 2014, laŭ informo de rusia polico, li estis kaptita en Moskvo[2].

La 15-an de aŭgusto 2014 Marcinkeviĉ estis kondamnita al 5-jara malliberigo[3].

"Okupaj-pedofilaj"[redakti | redakti fonton]

"Okupaj-pedofilaj" (ruse Оккупай-педофиляй, eblas esperantigi kiel "Okupu pedofilejon") estas vasta movado en Rusio, kies partoprenantoj okupiĝas pri batado kaj humiligo de homoj, kiujn ili konsideras kiel pedofiloj. Siajn viktimojn ili serĉas per Interreto kaj konatiĝas kun ili kvazaŭ neprenkreskuloj. Ĉiujn humiligojn (inter ili populara estas akvumado per urino) ili filmigas kaj almetas en la reto. Por partopreni "ĉasadon al pedofiloj", kiun ĝiaj partoprenantoj nomas "safari", endas pagi monon al Marcinkeviĉ. Grupoj de "Okupaj-pedofilaj" ekzistas en multaj rusiaj urboj.

Marcinkeviĉ mem nomas "Okupaj-pedofilaj" "socia projekto, celanta propagandi naci-socialismon kaj atentigi la socion al ĉi tiu (temas pri pedofilio) problemo". Laŭ liaj asertoj,

Citaĵo
 mi ne celas prizonigi homon, mi celas tute rompigi vivon de la homo. Eble, iu ekvidos kaj skribos petskribon. 

Referencoj[redakti | redakti fonton]

Eksteraj ligiloj[redakti | redakti fonton]

En tiu ĉi artikolo estas uzita traduko de teksto el la artikolo Марцинкевич, Максим Сергеевич en la rusa Vikipedio.