Malaja fluglemuro

El Vikipedio, la libera enciklopedio
Salti al navigilo Salti al serĉilo
Kaguaani 02.jpg

La malaja fluglemuro (aŭ glislemuro) (Galeopterus variegatus) estas specio el familio fluglemuroj (Cynocephalidae), ordo dermopteroj (Dermoptera). Ĝi estas sola specio de sia genro.

Vivejo[redakti | redakti fonton]

Ĝi vivas en ĝangaloj de landoj de Sudorienta Azio: Brunejo, Kamboĝo, Indonezio, Laoso, Malajzio, Birmo, Singapuro, Tajlando kaj Vjetnamio.

Priskribo[redakti | redakti fonton]

La malaja glislemuro havas haŭtan membranon inter la kruroj, kio servas la glisflugon. Ĝia pelto estas bruna, ruĝe griza. Ĝia korpolongo estas 33–42 cm, el kiu la vosto estas 17,5–27 cm. Ĝia korpomaso estas 0,9–2 kg.

Konduto[redakti | redakti fonton]

La malaja glislemuro estas nokta besto, manĝas ĉefe florojn, burĝonojn, ŝosojn, junajn foliojn, fruktojn kaj nektaron, sukojn.

Reproduktado[redakti | redakti fonton]

Fine de 60-taga gravediĝo, la ino naskas idon. La femalo portas la idon sur la haŭtmembrana ventro. La disiĝo okazas je 6 monatoj.