Maldekstra Ligo (Finnlando)
Maldekstra Ligo (finne Vasemmistoliitto, svede Vänsterförbundet) estas ekosocialisma partio en Finnlando. Ĝi estas fondita en 1990. En la nuna oficperiodo de finnlanda parlamento, elektita en 2019, ĝi havas 16 parlamentanojn. La prezidanto de la partio estas Li Andersson.
Maldekstra Ligo apartenas al la Alianco de Nordiaj Verdaj Maldekstruloj. Ĝi havas unu reprezentanton en la Eŭropa Parlamento dum la oficperiodo 2019-2024, Silvia Modig.
