Malferma Tago de UEA

El Vikipedio, la libera enciklopedio
Saltu al: navigado, serĉo
Duono de Kajto en la Malferma Tago
(printempo 2008)

La Malferma Tago de la Centra Oficejo de UEA okazas dufoje jare, sabate, kutime aprile kaj novembre. La tradicion komencis Osmo Buller en novembro 1994.

En la programo troviĝas prelegoj kaj aliaj kontribuoj, kiel koncertoj aŭ prezentoj de libroj. La libroservisto, Ionel Oneţ, kutimas doni etan superrigardon pri la nove aperintaj libroj komence de la programo.

Ofte oni havas ĉefgaston, per kiu oni varbas en la revuo Esperanto. Foje la aprilan Malferman Tagon oni kombinas kun la kunsido de la Estraro de UEA.

La unua Malferma Tago okazis la 26-an de novembro 1994.

Venontaj kaj pasintaj Malfermaj Tagoj[redakti | redakti fonton]

N-ro Dato Jaro Komento
45 26-a de novembro 2016
41 29-a de novembro 2014 Prelegos László Szilvási, inĝeniero Toon Witkam, kaj Ĝenerala Sekretario de UEA Barbara Pietrzak kiu prezentos la kampanjon Montevideo 60, al kiu UEA invitas la esperantistojn por marki per multflanka agado la 60-an datrevenon de la Esperanto-rezolucio akceptita de Unesko en 1954.
40 10-a de majo 2014
39 30-a de novembro 2013
38 27-a de aprilo 2013 La speciala gasto estis la redaktoro de Libera Folio kaj iama UEA-estrarano pri informado Kalle Kniivilä[1].
36 28-a de aprilo 2012 Oni atentis la 50-an datrevenon de la transloĝiĝo de la sidejo de UEA al Nieuwe Binnenweg 176[2].
35 26-a de novembro 2011 Dediĉita al Tibor Sekelj kaj Vikipedio, ĉefa preleganto estis Spomenka Štimec[3].
29 29-a de novembro 2008 Kun ĉefgastoj Andreas Künzli kaj Alejandro Cossavella.
28 26-a de aprilo 2008 Tiu ĉi Malferma Tago estis markita de la 100-a datreveno de la fondo de UEA. Prelegis Probal Dasgupta kaj Ziko van Dijk, koncertis membroj de la grupo Kajto.
1 26-a de novembro 1994

Eksteraj ligiloj[redakti | redakti fonton]

Piednotoj[redakti | redakti fonton]

  1. Gazetara Komuniko de UEA, n-ro 488: Kalle Kniivilä en la aprila Malferma Tago
  2. Gazetara Komuniko de UEA, n-ro 447: Jubileoj de la Centra Oficejo kaj Esperanto en la malferma tago
  3. Gazetara Komuniko de UEA, n-ro 427: Pri Tibor Sekelj kaj Vikipedio en la Malferma Tago