Vira monda ĉampionado de manpilkado

Por samtitola artikolo vidu la paĝon Monda Ĉampionado de Manpilkado.

Vira monda ĉampionado de manpilkado
ripetiĝanta sporta evento
Partoj Vira monda ĉampionado de manpilkado 1938 Vira monda ĉampionado de manpilkado 1954 Vira monda ĉampionado de manpilkado 1938 Vira monda ĉampionado de manpilkado 1961 Vira monda ĉampionado de manpilkado 1964 Vira monda ĉampionado de manpilkado 1967 Vira monda ĉampionado de manpilkado 1970 Vira monda ĉampionado de manpilkado 1974 Vira monda ĉampionado de manpilkado 1978 Vira monda ĉampionado de manpilkado 1982 Vira monda ĉampionado de manpilkado 1986 Vira monda ĉampionado de manpilkado 1990 Vira monda ĉampionado de manpilkado 1993 Vira monda ĉampionado de manpilkado 1995 Vira monda ĉampionado de manpilkado 1995 Vira monda ĉampionado de manpilkado 1999 Vira monda ĉampionado de manpilkado 2001 Vira monda ĉampionado de manpilkado 2003 Vira monda ĉampionado de manpilkado 2005 Vira monda ĉampionado de manpilkado 2005 Vira monda ĉampionado de manpilkado 2009 Vira monda ĉampionado de manpilkado 2011 Vira monda ĉampionado de manpilkado 2013 Vira monda ĉampionado de manpilkado 2015 Vira monda ĉampionado de manpilkado 2017 Vira monda ĉampionado de manpilkado 2019 Vira monda ĉampionado de manpilkado 2021 Vira monda ĉampionado de manpilkado 2023 Vira monda ĉampionado de manpilkado 2025 2027 World Men's Handball Championship (en) 2029 World Men's Handball Championship (en) 2031 World Men's Handball Championship (en) vd
Fondita en	1938
En TTT	Oficiala retejo vd

La Manpilka Mondpokalo aŭ fakte vira monda ĉampionado de manpilkado estas konkurso por determini la plej bonajn virajn ŝtatajn teamojn de manpilkado de la mondo. La Internacia Federacio de Manpilkado aranĝas la konkurson. La unua ĉampionado okazis 1938 en la Germana Regno. Ĝi estis dutaga evento de kvar teamoj. La ludotempo estis 2 × 15 minutoj. En 1954 la ludotempo estis 2 × 25 minutoj. Ekde 1958 la ludotempo estas la nunaj 2 × 30 minutoj.

Post la fino de la Dua Mondmilito, la du turniroj - pri subĉiela kaj pri sporthala manpilkado - okazis alterne je neregulaj intervaloj, kutime ĉiujn tri aŭ kvar jarojn. La lasta subĉiela vira monda ĉampionado de manpilkado okazis en 1966 en Aŭstrio (subĉielaj kampaj ĉampionadoj inter 1938 kaj 1966 okazis sepfoje). Ekde tiam, la mondĉampiono pri manpilkado estas determinita nur en endoma manpilkado. Ekde 1993, la turniro okazas ĉiujn du jarojn. La ĉampionado ekde 2001 kutime okazas en januaro kaj februaro.

la pokala trofeo ekde 2017

En la konkurso la eŭropaj teamoj superregas la medalpoziciojn: De 1938 ĝis 2025, la 29 mondĉampionaj titoloj iris al dek federacioj de la Eŭropa Manpilka Federacio. La nuna mondĉampiono pri endoma manpilkado estas la dana vira nacia teamo de manpilkado, kiu unue gajnis la titolon en 2019 kaj de tiam defendis ĝin tri fojojn (2021, 2023 kaj 2025) - la sola federacio ĝis nun. La franca vira nacia teamo de manpilkado estas la rekorda mondĉampiono kun ses titoloj (1995, 2001, 2009, 2011, 2015 kaj 2017). En 1958 brazila teamo estis la unua ekstereŭropa teamo, kiu partoprenis en la monda ĉampionado. En la 5-a ĉampionado en 1964 la japana teamo estas la unua ekstereŭropa teamo, kiu gajnis ludon. La katara teamo estas sola neeŭropa nacia teamo kiu gajnis medalon - ĝi gajnis arĝentomedalon en 2015 dum ĝi estas gastiganta lando. La egiptia teamo en 2001 kaj kaj la tunizia en 2005 atingis la ludon pri la tria rango, sed malvenkis ĝin.

La konkurso plej ofte estis disvolvitaj en tri etapoj. Kaj la unua kaj la dua estas rondbataloj. Li fina etapo konsistas el duonfinalo kaj finalo. Inter 1995 ĝis 2017 sepfoje okonfinalo sekvis la unuan etapon. Por la eliminitaj teamoj de la unua etapo la konkurso ne finiĝas tuje. Ili ankoraŭ havas ludojn pri la ceteraj rangoj, por ke ĉiu teamo havu rangon en la fina tabelo.

Rezultoj

N-ro	Jaro	Gastiganto	Teamoj	01 !	02 !	03 !
1	1938	Nazia Germanio	4	Nazia Germanio	Aŭstrio	Svedio
2	1954	Svedio	6	Svedio	Okcidenta Germanio	Ĉeĥoslovakio
3	1958	Orienta Germanio	16	Svedio	Ĉeĥoslovakio	Germanio
4	1961	Germanio	12	Rumanio	Ĉeĥoslovakio	Svedio
5	1964	Ĉeĥoslovakio	16	Rumanio	Svedio	Ĉeĥoslovakio
6	1967	Svedio	16	Ĉeĥoslovakio	Danio	Rumanio
7	1970	Francio	16	Rumanio	Orienta Germanio	Jugoslavio
8	1974	Orienta Germanio	16	Rumanio	Orienta Germanio	Jugoslavio
9	1978	Danio	16	Okcidenta Germanio	Sovetunio	Orienta Germanio
10	1982	Germanio	16	Sovetunio	Jugoslavio	Pollando
11	1986	Svislando	16	Jugoslavio	Hungario	Orienta Germanio
12	1990	Ĉeĥoslovakio	16	Svedio	Sovetunio	Rumanio
13	1993	Svedio	16	Rusio	Francio	Svedio
14	1995	Islando	24	Francio	Kroatio	Svedio
15	1997	Japanio	24	Rusio	Svedio	Francio
16	1999	Egiptio	24	Svedio	Rusio	Jugoslavio
17	2001	Francio	24	Francio	Svedio	Jugoslavio
18	2003	Portugalio	24	Kroatio	Germanio	Francio
19	2005	Tunizio	24	Hispanio	Kroatio	Francio
20	2007	Germanio	24	Germanio	Pollando	Danio
21	2009	Kroatio	24	Francio	Kroatio	Pollando
22	2011	Svedio	24	Francio	Danio	Hispanio
23	2013	Hispanio	24	Hispanio	Danio	Kroatio
24	2015	Kataro	24	Francio	Kataro	Pollando
25	2017	Francio	24	Francio	Norvegio	Slovenio
26	2019	Germanio  Danio	24	Danio	Norvegio	Francio
27	2021	Egiptio	32	Danio	Svedio	Hispanio
28	2023	Pollando  Svedio	32	Danio	Francio	Hispanio
29	2025	Kroatio  Danio  Norvegio	32	Danio	Kroatio	Francio
30	2027	Germanio	32
31	2029	Francio  Germanio	32
32	2031	Danio  Islando  Norvegio	32

Vidu ankaŭ

• virina monda ĉampionado de manpilkado

Eksteraj ligiloj

• ihf.info retejo de la Internacia Federacio de Manpilkado

La finalo de la 2009-a konkurso en la Halo Zagrebo