Marcus Stephen
| Marcus Stephen | |
|---|---|
| |
| Persona informo | |
| Naskiĝo | 1-an de oktobro 1969 (55-jaraĝa) en Nauro |
| Ŝtataneco | Nauro 
|
| Alma mater | Reĝa Melburna Instituto de Teknologio
|
| Familio | |
| Patro | Lawrence Stephen (en) 
|
| Okupo | |
| Okupo | halterlevisto politikisto
|
Marcus Stephen - je plena nomo Marcus Ajamada Stephen - estas halterlevisto, politikisto kaj eksa ŝtatoficisto de la insulara ŝtato Nauro. Li naskiĝis la 1-an de oktobro 1969, do nun estas 55-jaraĝa, kaj kiel juna plenkreskulo estis studanto de la Reĝa Melburna Instituto de Teknologio en Aŭstralio. De la 19-a de decembro 2007 ĝis la 10-a de novembro 2011, li estis aganta ŝtata prezidanto (prezidento) kaj ŝtatestro de la Respubliko Nauro. Ekde 2019, li estas membro de la Naura Parlamento, kiun li antaŭe servis de 2003 ĝis 2016.
Antaŭ la politika kariero, estis sukcesa sportisto: Li komence en adoleksa aĝo ludis aŭstralian piedpilkadon, sporto ekstreme populara en Nauro, sed poste decidis eklerni halterlevon. En 1989, la Naura Halterleva Federacio, estis fondita kun sola unua celo por permesi al Stephen, la sola profesia halterlevisto tiutempe, konkuri en internaciaj konkursoj.
Inter 1988 kaj 2000, li gajnis la Oceanian Halterlevan Ĉampionecon 10 fojojn, igante lin, kune kun Yukio Peter, la rekordulo rilate al gajnado de ĉi tiu konkurso.
En 1992 li unuafoje partoprenis en la Somera Olimpiko en Barcelono. Ĉar tiutempe ne ekzistis olimpika komitato en Nauro, li sukcese petis la civitanecon de Samoo kaj rajtis konkuri por Samoo. La komitato fondiĝis en 1993 kaj Stefano povis konkuri por Nauro en Atlanta en 1996 kaj Sidnejo en 2000.
Dum la olimpika torĉrelajso al Sidnejo, Stefano rajtis porti la torĉon dum ĝia halto en Nauro.
Tamen, li atingis siajn plej grandajn sukcesojn ĉe la Ludoj de la Komunumo de Nacioj: en 1990 li surprize gajnis la oran medalon en la kategorio ĝis 60 kg. Li gajnis tri orajn medalojn en la kategorio ĝis 59 kg en 1994 kaj tri orajn medalojn en la kategorio ĝis 62 kg en 1998. Ĉe sia lasta partopreno en 2002 en Manĉestro, li gajnis la arĝentan medalon tri fojojn en la kategorio ĝis 62 kg. Lia tutmonde plej granda sukceso venis en 1999 ĉe la Mondĉampioneco en Ateno, kiam li fariĝis vicmondĉampiono en la kategorio ĝis 62 kg.
