Mariĥuano

Ĉi tiu artikolo temas pri la droga uzo de la Kanabo. Por informoj pri la planto, vidu la artikolon Kanabo.

Mariĥuano

Mariĥuano aŭ kanabo estas drogo farita el sekigitaj kaj erigitaj floraroj de la ina kanaba planto. Kiel haŝiŝo kaj haŝiŝoleo, ĝi estas unu el la drogoj faritaj el kanabo. La ĉefa efikanto nomiĝas tetrahidrokanabinolo (THK).

Efikoj

La efikoj de kanabkonsumado varias multe de homo al homo kaj ankaŭ de la kvalito de la herbo, sed ĝenerale oni konsideras:

Eblaj pozitivaj aŭ dezirindaj efikoj

• Milda eŭforio, sento de ĝenerala bonfarto
• Malstreĉiĝo aŭ malpliigo de streso
• Pli bona aprezo de humuro, muziko kaj arto
• Sento de konekto inter korpo kaj menso, plezura korposento
• Pliakutiĝo de la sensoj
• Kreiva aŭ filozofia pensado
• Mildiĝo de doloroj, ekz. kapdoloro, kramfoj
• Malpliiĝo de naŭzo

Eblaj neŭtralaj efikoj

• Ĝenerala ŝanĝo en konscio
• Pliigita apetito
• Laco, ripozemo
• Malrapido, sengardo
• Ruĝaj okuloj
• Buŝa sekeco
• Ĉesoj en linia memoro

Eblaj negativaj aŭ maldezirindaj efikoj

• Malpliboniĝo de memoro
• Damaĝo al mensaj kapabloj
• Maltrankvileco, zorgemo, paranojo, singardemo
• Plifortiĝo de simptomoj ĉe skizofreniuloj
• Kapdoloro
• Kapturniĝo, konfuzo
• Fizika mallerteco
• Naŭzo, speciale se konsumata kun alkoholo

Leĝaro pri mariĥuano en la mondo

Leĝaro laŭ la landoj : Bluo: Laŭleĝa aŭ tolerita; Oranĝo: nekriminaligita; Rozkoloro: ne leĝa sed malofte punita; Ruĝo: neleĝa; Grizo: Nekonita.

Vidu ankaŭ

• Kanabcigaredo
• La lerta Blato