Marilyn French
| Marilyn French | |||||
|---|---|---|---|---|---|
| Persona informo | |||||
| Naskonomo | Marilyn Edwards | ||||
| Naskiĝo | 21-an de novembro 1929 en Broklino | ||||
| Morto | 2-an de majo 2009 (79-jaraĝa) en Nov-Jorko | ||||
| Mortis pro | Naturaj kialoj  vd
| ||||
| Mortis per | Kora malsufiĉo vd
| ||||
| Lingvoj | angla vd | ||||
| Ŝtataneco | Usono vd
| ||||
| Alma mater | Universitato Hofstra Universitato Harvard - doktoro de filozofio (–1972) vd
| ||||
| Profesio | |||||
| Alia nomo | Mara Solwoska vd | ||||
| Okupo | romanisto socia kritikisto aktivisto pri virinaj rajtoj verkisto feministo vd
| ||||
| |||||
| |||||
| vd | Fonto: Vikidatumoj | ||||
Marilyn FRENCH (naska nomo Edwards ; naskiĝis la 21-an de novembro 1929 en Broklino, Novjorko, Usono - mortis la 2-an de majo 2009, samloke) estis usona verkistino kaj feministino. [1][2]
Vivo
[redakti | redakti fonton]Ŝi studis ĉe Hofstra College sur Long Island, kie ŝi akiris magistran diplomon pri la angla lingvo en 1964. Ŝi edziniĝis al Robert M. French Jr. en 1950; la paro divorcis en 1967. Ŝi poste doktoriĝis en Universitato Harvard, kun disertacio pri James Joyce, kaj komencis instrui en Universitato Hofstra. [3]
Ŝi debutis kiel verkistino en 1977 per The Women's Room. En siaj verkoj, French argumentis, ke la subpremo de virinoj estas eneca parto de vire dominata tutmonda kulturo. Beyond Power: On Women, Men and Morals (Preter la Potenco: Pri Virinoj, Viroj kaj Moraloj, 1985) estas historia superrigardo de la efikoj de patriarkeco sur la mondo.
La citaĵo "Ĉiuj viroj estas seksperfortantoj " estas kelkfoje atribuita al Marilyn French. Tio ne estas tute ĝusta, ĉar kvankam ĝi aperas en unu el ŝiaj libroj - La Virina Ĉambro - ĝi estas deklaro metita en la buŝon de unu el la roluloj en ĉi tiu romano.
Verkado
[redakti | redakti fonton]En sia serĉado por virina emancipiĝo, ŝi estis ĉefe influita de Simone de Beauvoir.
La kredo de la French estis: "Mia vivocelo estas ŝanĝi la tutan socian kaj ekonomian strukturon de la okcidenta civilizo, por igi ĝin feminisma mondo." kaj ŝi aldonis: “Ĝi estas ia morala vidpunkto.”
French famiĝis per la romano " The Women's Room ", kiu rapide fariĝis feminisma furorlibro tutmonde. La romano sekvas la vivojn de Mira kaj ŝiaj amikoj en la 1950-aj kaj 1960-aj jaroj en Usono. La libro estas vojaĝo de mem-malkovro, dum kiu Mira transformiĝas de submetiĝema dommastrino al sendependa virino. Unu el ŝiaj amikinoj estas Val, radikala feministino. Gloria Steinem, proksima amikino de French, komparis la influon de la romano sur la debato pri virinaj rajtoj kun la verko Invisible Man de Ralph Ellison, kiu influis la Afrikusona Civilrajta Movado 25 jarojn antaŭe.
Franz verkis ĉefe pri la vivoj de la unua generacio de feministinoj kaj la konfliktoj, kiujn ili renkontis, kiam ili decidis ŝanĝi siajn vivojn. Ŝi publikigis kaj fikcion kaj nefikcion.
La plej signifa verko de la malfrua vivo de French estas " From Dusk Till Dawn: A History of Women ", publikigita en kvar volumoj de The Feminist Press en 2002. Laŭ French, ekzistas ekskludo de virinoj en intelekta historio, kaj tiu ekskludo neas al virinoj la pasintecon, nuntempon kaj estontecon. La libroj precize dokumentas longan historion de subpremo, kvankam la fina volumo finiĝas per optimisma noto.
Verkaro (elekto)
[redakti | redakti fonton]- The Book as World: James Joyce's Ulysses (1976)
- The Women's Room (1977)
- The Bleeding Heart (1980)
- Shakespeare's Division of Experience (1981)
- Beyond Power: On Women, Men, and Morals (1985)
- Her Mother's Daughter (1987)
- The War Against Women (1992)
- Our Father (1993)
- My Summer with George (1996)
- A Season in Hell: A Memoir (1998)
- Introduction: Almost Touching the Skies (2000)
- Women's History of the World (2000)
- From Eve to Dawn: A History of Women in Three Volumes (2002)
- The Love Children (2005)
- In the Name of Friendship (2006)
Referencoj
[redakti | redakti fonton]- ↑ French, Marilyn. (2005) In the Name of Friendship. New York: The Feminist Press at the City University of New York. ISBN 978-1-55861-520-5.
- ↑ "Marilyn French, Novelist and Champion of Feminism, Dies at 79", The New York Times, May 3, 2009.
- ↑ . Marilyn French. Kuusankoski Public Library. Arkivita el la originalo je 27 March 2009.
Eksteraj ligiloj
[redakti | redakti fonton]- Marilyn French – nekrologo de Daily Telegraph
- Nekrologo de la Associated Press sur Heredaĵo.com
- Marilyn French ĉe Interreta filma datumbazo (angle)
- Registraĵoj de Marilyn Franch ĉe la Columbia Universitata Biblioteko de raraj libroj kaj manuskriptoj, Novjorko, Nov-Jorkio