Martina Kvarantan Šmitran

Martina Kvarantan ŠMITRAN estas kroata esperantistino, profesoro pri socia pedagogio kaj trejnisto pri neŭrolingvistika programado (NLP).

Ŝi estas aparte aktive en la Internacia Ligo de Esperantistaj Instruistoj (ILEI). En ILEI ŝi eniris en 1992, per partopreno al la 1-a ILEI-gimnazio. Ŝi ankaŭ partoprenis la postajn. Ŝi ankaŭ estas membro de Universala Esperanto-Asocio (UEA) kaj partoprenas en Universala Kongreso de Esperanto (UK), ekz-e UK 1993 en Valencio.

Martina ankaŭ estas sukcesa orgen- kaj pianludistino kaj korusgvidantino kaj dum tiu kongreso ŝi havis memstaran unuhoran koncerton. Pro la fakto, ke invitita pianisto malfruis, ŝi ankaŭ plenigis la truon de la muzika paŭzo dum la inaŭguro. De tiu kongreso ŝi kunlaboris kun la Internacia Koruso, per pianakompano. Ŝi koncertis en Triesto, Vieno kaj Berlino. Kiel kungvidantino de la kroata Esperanto-grupo, ŝi partoprenis Euroscola (2001, 2002). Pri la fako NLP ŝi verkis tri librojn.

Ŝi ankaŭ aŭtoras fabellibron por infanoj. Martina partoprenis en la Tago de Lernado de la 2-a Virtuala Kongreso de Esperanto per la prelego De aplaŭdo al konfido, tiam prezentita ankaŭ kiel patrino de kvar infanoj.