Marvin Minsky
Marvin Minsky | |
---|---|
usona komputikisto pri artefarita inteligenteco | |
Persona informo | |
Naskiĝo | 9-a de aŭgusto 1927 en Novjorko, Usono |
Morto | 24-an de januaro 2016 en Bostono |
Mortokialo | cerba sangado |
Lingvoj | angla |
Ŝtataneco | Usono |
Alma mater | Universitato Harvard • Universitato Princeton • Ethical Culture Fieldston School • Phillips Academy • The Bronx High School of Science • Harvard College |
Familio | |
Edz(in)o | Gloria Minsky |
Okupo | |
Okupo | matematikisto • komputosciencisto • universitata instruisto • artefaritinteligenca sciencisto |
Verkoj | Perceptrons Society of Mind The Emotion Machine Computation: Finite and Infinite Machines |
TTT | |
Retejo | https://web.media.mit.edu/~minsky/ |
Marvin MINSKY (naskiĝis la 9-an de aŭgusto 1927 en Novjorko, Usono) estas usona esploristo surkampe de la artefarita inteligenteco. Li estis kunfondanto de la laboratorio pri artefarita inteligenteco je la Masaĉuseca Instituto de Teknologio (MIT). Li aperigis multajn tekstojn pri tiu temo kaj pri rilataj temoj de la filozofio.
Marvin Minsky iris en la lernejojn Fieldston School kaj Bronx High School of Science en Novjorko. Poste li studis je la Phillips-akademio en Andover, Massachusetts. Li plenumis la militservon de 1944 ĝis 1945 en la US-Navy. En Harvard li akiris en 1950 la akademian titolon bakalaŭro pri matematiko. Pri la sama fako li akiris en 1954 en Princeton la titolon doktoro. Ekde 1958 li estas membro de la MIT - tie li esploras kaj instruas ankoraŭ hodiaŭ.
Minsky ricevis dum sia esplorista vivo multajn premiojn. En 1969 li ricevis la premion Turing. Li estas membro de la usonaj asocioj National Academy of Engineering kaj National Academy of Sciences.