Maskokrinifero
 | ||||||||||||||
|---|---|---|---|---|---|---|---|---|---|---|---|---|---|---|
 Maskokrinifero en Kenjo
Voĉo registrita en Masai Mara, Kenjo
| ||||||||||||||
| Biologia klasado | ||||||||||||||
| ||||||||||||||
| Crinifer personatus | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Maskokrinifero (Crinifer personatus) konata ankaŭ kiel Nudvizaĝa krinifero aŭ Nudvizaĝa plantagomanĝulo, estas granda membro de la familio de turakoj, grupo de grandaj arbaraj preskaŭ-paserinaj birdoj limigitaj al Afriko, tiu ĉi de Orienta Afriko. La nomo devenas de sia distingiga kaj unika nuda, nigra vizaĝo.
Taksonomio
[redakti | redakti fonton]La Maskokriniferon priskribis en 1842 la germana natursciencisto Eduard Rüppell bazite sur specimeno kolektita en Abisinio (Etiopio). Li stampis la duvortan nomon Chizærhis personata.[1][2] La specia epiteto devenas el Latina personatus kun la signifo "maskohava" (el persona kun la signifo "masko").[3] La Maskokrinifero estis iam metita en la genron Corythaixoides, sed baze sur studo pri molekula filogenetiko publikigita en 2020, ĝi estis movita al la genro Crinifer.[4][5]
Oni agnoskis du geografie izolaj rasoj, nome la jenaj:[5]
- C. p. personatus (Rüppell, 1842) – Etiopia Rifta Valo
- Aspekto: Pli ampleksa verda brusta plumaro, malsupra flanko de flugiloj kaj vosto verdeca, vizaĝo kun etaj brunaj plumoj[6]
- C. p. leopoldi (Shelley, 1881) – suda Ugando, sudokcidenta Kenjo kaj Tanzanio ĝis Malavio kaj Zambio
- Aspekto: Vizaĝo nuda kaj nigra, malpli ampleksa verda brusta plumaro[6]
Aspekto
[redakti | redakti fonton]
Ambaŭ seksoj estas similaj, krom la verda beko de la ino.[7] Ĝi estas 48 cm longa de beko ĝis vosto, kaj pezas proksimume 210 ĝis 300 gramojn.[8] Ĝia krio estas duobla aŭ ripetema koŭ-koŭ.[6]
Distribuado kaj habitato
[redakti | redakti fonton]La Maskokrinifero troviĝas en du apartaj areoj en Afriko: unu en Etiopio, kaj la alia en Burundo, DRK, Kenjo, Malavio, Ruando, Tanzanio, Ugando kaj Zambio.[9] Ĝi troviĝas en malfermaj arbaroj, arbustaroj kaj en kultivado kun disaj arboj. Ĝi povas esti trovita je altitudoj ĝis 1 400 metroj, sed ĉe Arbaro Loita ĝis 2 200 metroj en disaj juniperaj, akaciaj kaj ĉiamverdaj arbustaroj.[10]
Kutimaro kaj ekologio
[redakti | redakti fonton]La Maskokrinifero estas bruema kaj maltrankvila specio, kiu moviĝas sola aŭ grupe.[6]
Manĝado
[redakti | redakti fonton]Ĉi tiuj birdoj ĉefe manĝas fruktojn, foliburĝonojn kaj semojn.[11]
Reproduktado
[redakti | redakti fonton]Kiel aliaj turakoj, la Maskokrinifero demetas du ĝis tri verdecblankajn ovojn ĉiun pariĝan sezonon. Nestoj ofte estas konstruitaj en altaj akacioj.[12]
Referencoj
[redakti | redakti fonton]- ↑ (1842) “Memoir on the family Touracoos”, Proceedings of the Zoological Society of London 10 (108), p. 8–9.
- ↑ (1940) Check-List of Birds of the World 4. Cambridge, Massachusetts: Harvard University Press.
- ↑ Jobling, James A.. (2010) The Helm Dictionary of Scientific Bird Names. London: Christopher Helm. ISBN 978-1-4081-2501-4.
- ↑ (2020) “Phylogeography, species limits, phylogeny, and classification of the turacos (Aves: Musophagidae) based on mitochondrial and nuclear DNA sequences”, American Museum Novitates (3949), p. 1–61. doi:10.1206/3949.1. 214763342.
- ↑ 5,0 5,1 Turacos, bustards, cuckoos, mesites, sandgrouse. IOC World Bird List Version 13.2. International Ornithologists' Union (Julio 2023). Alirita 27a de Oktobro 2023 .
- ↑ 6,0 6,1 6,2 6,3 Zimmerman, Dale A.. (1999) Birds of Kenya and Northern Tanzania. Princeton University Press. ISBN 0-691-01022-6.
- ↑ Bare-faced Go-away Birds | Beauty of Birds (angle). Alirita 2018-05-12 .
- ↑ . Bare-faced Go-away Bird. Alirita 2018-05-12 .
- ↑ bare-faced go-away bird at kenyabirds (el Retarkivo {{{1}}})
- ↑ (1980) Birds of East Africa: 375. Corythaixoides personata (Rüppell) Bare-faced Go-away Bird KTU 441. Nairobi: EANHS.
- ↑ . Bare-faced Go-away Bird. Alirita 2018-05-12 .
- ↑ Bare-faced Go-away Birds | Beauty of Birds (angle). Alirita 2018-05-12 .
Eksteraj ligiloj
[redakti | redakti fonton]- Crinifer personatus, sonregistraĵo, xeno-canto
| ||||||||||||||||||