Masonaĵo

Masonistoj masonas, ĉi tie faras strukturon de konstruaĵo.

Masonado estas konstruado. Laŭ Francisko Azorín masoni estas Konstrui per brikoj, ŝtonoj, gipso, k.c.. Li indikas etimologion el la gota meitan (ĉizi) kaj de tie la latina machio, machionis. Kaj li aldonas la terminojn masonisto, por homo kies profesio estas masoni; masonestro, masonilo.

Masonaĵoj

Masonaĵo estas konstruaĵo aŭ konstruaĵero el (naturaj) ŝtonoj aŭ (artefaritaj) brikoj masonitaj, do fortike kunigitaj per mortero aŭ cemento. Kvankam teorie "konstruaĵo" povas esti io ajn konstruita, en praktika lingvouzo temas pri komplekso el muroj, plankoj respektive plafonoj kaj tegmento, do en vasta senco speco de domo, kiu konsistigas funkcian unuon. Konstruaĵero povas esti iel apartigita parto de tiu funkcia komplekso, ekzemple alo de palaco, sed ankaŭ povas esti ajna baza elemento de konstruaĵo, ekzemple muro, tegmento, kolono, sojlo, ŝtupo respektive ŝtuparo, gablo aŭ frontono, pordo aŭ pordego, nur menciante iujn el multaj bazaj elementoj.

Aparta konstrua termino laŭ PIV estas bosa masonaĵo, konstrumaniero tia ke la ŝtonoj ŝajne elstaras el la fono de la muro, kiel ofte ĉe renesancaj konstruaĵoj (vidu la du ekzemplajn fotojn).

Bildaro

• 
  masonaĵo el brikoj
• 
  masonaĵo el hazarde rompitaj granitaj ŝtonoj
• 
  bosa masonaĵo de la svislanda mezepoka burgo Cagliatscha el proksimume 1265
• 
  alia bosa masonaĵo de la Luksemburga Palaco en Parizo, el 1615 ĝis 1620

En sismologio, la skalo de Mercalli indikas interalie je kiu grado tertremo difektas masonaĵon.

Diversaj utilaĵoj

• Masonaĵa akvobaraĵo

Vidu ankaŭ

• Masonisto