Mellingen AG

El Vikipedio, la libera enciklopedio
Saltu al: navigado, serĉo
Mellingen
Blazono de Mellingen
Mellingen
Kantono Argovio
Distrikto Baden
Koordinatoj  47°25′10″N 8°16′35″O  /  47.41944°N, 8.27639°O / 47.41944; 8.27639 (Mellingen AG)Koordinatoj: 47°25′10″N 8°16′35″O  /  47.41944°N, 8.27639°O / 47.41944; 8.27639 (Mellingen AG)
Nombro de enloĝantoj 4568
Areo 4,86 km²
Alteco 352 m super marnivelo
Poŝtkodo 5507
Komunumkodo 4033
Mapo de Mellingen

Pri la komunumo[redakti | redakti fonton]

Mellingen estas historia urbeto kaj komunumo en la distrikto Baden de Kantono Argovio, Svislando. Ĝi havis 4568 loĝantojn je la 31-a de decembro 2008.

Geografio[redakti | redakti fonton]

Mellingen situas ĉe la bordo de la rivero Reuss inter Bremgarten kaj Baden. La mezepoka urbokerno kun la defendomuroj estas prekaŭ komplete konservita.

Najbaraj komunumoj[redakti | redakti fonton]

La komunumo Mellingen limas en nordo al Birmenstorf, Fislisbach kaj al la eksklavo Rütihof de la urbo Baden, en oriento al Niederrohrdorf, en sudoriento al Stetten, en sudo al Tägerig, kaj en okcidento al Wohlenschwil.

Trafiko[redakti | redakti fonton]

Stacidomo Mellingen-Heitersberg

Ĝis 2004 Mellingen disponis pri stacidomo ĉe la fervojlinio de Lencburgo al Vetingo. En la jaro 2004 tiu fervojlinio estis fermita kaj anstataŭe malfermita la stacidomo ĉe la nova linio de Lencburgo al Zuriko tra la Heitersberg-Tunelo.

La plej proksima alveturejo al la svisa aŭtovojo A1 troviĝas en distanco de proksimume 4 kilometrojn nordoriente en Dättwil, komunumo Baden.

Historio[redakti | redakti fonton]

Urbocentro de Mellingen, rigardo al la badena pordego

La vilaĝo Mellingen estis menciita unuan fojon en la jaro 1045. La nuna urbeto Mellingen estis fondita de la Grafoj de Kiburgo en la jaro 1230. Ili konstruis ringan muron ĉirkaŭ la urbo kaj ĝis 1253 malfermis ponton ĉirkaŭ la rivero Reuss. En 1273 la novaj senjoroj de Mellingen fariĝis la Habsburgoj, kiuj en la jaro 1296 koncedis al Mellingen la urborajton.

En la jaro 1415 la Svisa Ĵurkomunumo konkeris Argovion kaj Mellingen fariĝis voktejĉefurbo en la Grafejo Baden.

La 1-an de septembro de 1505 granda inscendio detruis grandan parton de la domoj en la urbo. Dum la religiaj militoj en la tempo de la reformacio la katolika urbeto Mellingen inter la protestantaj urboŝtatoj Zuriko kaj Berno estis la centro de diversaj militoj kaj luktoj inter katolikoj kaj protestantoj. Inter 1528 kaj 1712 la urbeto estis 12-foje okupita de fremdaj trupoj.

Post la Helveta Revolucio en la jaro 1798 la urbeto apartenis dum kvin jaroj al la tiama Kantono Baden. Post ties integriĝo al la hodiaŭa Kantono Argovio, Mellingen fariĝis politika komunumo de la argovia distrikto Baden.

Vidu ankaŭ[redakti | redakti fonton]

Eksteraj Ligiloj[redakti | redakti fonton]