Michael Moorcock
| Michael Moorcock | |||||
|---|---|---|---|---|---|
| |||||
| Persona informo | |||||
| Michael John Moorcock | |||||
| Naskonomo | Michael John Moorcock | ||||
| Naskiĝo | 18-an de decembro 1939 (85-jaraĝa) en Londono | ||||
| Etno | Angloj vd | ||||
| Lingvoj | angla vd | ||||
| Ŝtataneco | Unuiĝinta Reĝlando  vd
| ||||
| Profesio | |||||
| Alia nomo | Bill Barclay • William Ewert Barclay • Michael Barrington • Edward P. Bradbury • James Colvin • Warwick Colvin, Jr. • Philip James • Desmond Reid vd | ||||
| Okupo | romanisto kantoverkisto redaktisto verkisto sciencfikcia verkisto scenaristo muzikisto kantotekstisto ĵurnalisto vd
| ||||
| Laborkampo | fantasta literaturo, sciencfikcio, bildliteraturo kaj sciencfikcia literaturo vd
| ||||
| Aktiva en | Anglio vd | ||||
| Aktiva dum | 1957– vd | ||||
| Verkado | |||||
| Verkoj | New Worlds ❦ Pyat Quartet ❦ Mother London vd | ||||
| |||||
| |||||
| En TTT | Oficiala retejo vd | ||||
| vd | Fonto: Vikidatumoj | ||||
Michael John MOORCOCK (naskita la 18-an de decembro 1939 en Mitcham, Surrey, Anglio) estas brita sciencfikcia kaj fantazia verkisto, unu el la pioniroj en la ĝenroj de fantazio kaj sciencfikcio. Li estas ankaŭ konata kiel la redaktoro de la sciencfikcia revuo New Worlds (de 1964 ĝis 1971 kaj sporade en la jaroj ĝis 1996) kaj pro sia longdaŭra kunlaboro kun la kosmoroka bando Hawkwind ("Silver Machine") en la 1970-aj jaroj.
Li estas plej konata pro siaj romanoj pri la rolulo Elric de Melniboné, kiu estis influega sur la kampo de fantazio en la 1960aj jaroj kaj 1970aj jaroj.[1][2]
Liaj skribaĵoj ofte traktas la homan mondkoncepton (en la plej larĝa senco), la kompleksecon de la vivo, la signifon de ekzisto, kaj defiigo/mokadon de sociaj konvencioj. En 2008, li estis la 25-a aŭtoro kiu gajnis la Grand Master Award (ekde 2002 la Damon Knight Award), vivatinga premio, donitan ekde 1975 al unu sciencfikcia verkisto, unufoje jare aŭ dufoje, kune kun la ceremonio de la Premio Nebulozo .
Verkado
[redakti | redakti fonton]La literaturaj rolmodeloj de Moorcock estis James Branch Cabell, Mervyn Peake, Franz Kafka, Thomas Mann, Hans Jakob Christoffel von Grimmelshausen kaj Edgar Rice Burroughs, kiuj inspiris lin verki siajn novelojn, precipe en juna aĝo.
La verko de Moorcock plejparte okazas en la tiel nomata multuniverso, t.e., en sennombraj paralelaj mondoj. Tempaj kaj spacaj ligoj ekzistas inter ĉi tiuj mondoj: En multaj el la rakontoj de Moorcock, ekzistas lukto inter ordo kaj ĥaoso, kiun devas teni ekvilibra la figuro de la Eterna Heroo (Corum, Elric, Dorian Hawkmoon, Jerry Cornelius).
Moorcock enkorpigas la konceptojn de pluraj mondoj, la senfineco de enkarniĝoj, kaj la reveno de Sorto en siajn librojn. Ĉiuj herooj de Moorcock — Corum, Hawkmoon, Erikese, Elric — estas malsamaj enkarniĝoj de la sama Eterna Militisto.
Ĉiu el la herooj de Moorcock havas amanton kaj lojalan amikon, batalas per speciala armilo destinita nur por li (enkorpigo de la Eterna Glavo de la Eterna Militisto), kaj posedas iun fizikan karakterizaĵon, kiu distingas lin de aliaj kaj donas al li senton de pereo. La Eterna Militisto ne ĉiam estas homa. Princo Corum, ekzemple, estas la lasta reprezentanto de la ekstermita antikva raso Vadhag kaj tial havas okulojn kun flavaj pupiloj kaj hele ruĝaj irisoj; Princo Elric (ankaŭ la lasta el la Melniboneanoj) estas albino, kaj tiel plu.
Alia temo, kiun Moorcock traktas en la serio, estas libera volo. La vidpunkto de Moorcock estas pesimisma - la homo ne havas liberan volon, sed ĝuste neceso pelas lin al ago. La vivo de la heroo ne estas lia propra, sed estas dediĉita al savado de sia mondo de la malekvilibro inter ĥaoso kaj ordo, kaj por tiu celo li oferas sian amaton kaj kelkfoje sian vivon.
Referencoj
[redakti | redakti fonton]- ↑ Michael Moorcock (en-US). The Nebula Awards. Science Fiction and Fantasy Writers of America. Arkivita el la originalo je 2 April 2008. Alirita 2021-06-28 .
- ↑ Lacey, Hester, "The Inventory: Michael Moorcock", Financial Times, 2016-07-22.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Michael Moorcock ĉe la Encyclopedia de Fantazio
- Michael Moorcock ĉe la Encyclopedia de Scienca Fikcio
- Michael Moorcock ĉe Interreta filma datumbazo (angle)
- Mirinda Metropolo, co-redaktita de Michael Moorcock
- Michael Moorcock paĝoj ĉe RealityEnds
- Mirinda Fikcio
- Komikuloj de Michael Moorcock Compendium
- Michael John Moorcock Arkivigite je 2017-07-08 per la retarkivo Wayback Machine ĉe ComicBookDB.Com