Midyat

Midyat
urbego vd
Administrado
Poŝtkodo	47500
Demografio
Loĝantaro	113 367 (2018) [+]
Geografio
Geografia situo	37° 25′ N, 41° 21′ O (mapo)37.41666666666741.353055555556Koordinatoj: 37° 25′ N, 41° 21′ O (mapo) [+]
Horzono	UTC+03:00 [+]
Midyat (Turkio)
	Situo de Midyat
Alia projekto
	Vikimedia Komunejo Midyat [+]
	v • d • r

Midyat [midjat], sirie: ܡܕܝܕ, kurde: Midyad, arabe: مديات estas urbego, municipo kaj distrikto de la Provinco Mardin en Turkio.

Demografio

En 2022 Midyat havis urban loĝantaron de 120 069.

Geografio

La urbego situas 950 metrojn super la marnivelo en kalkŝtona montaro, ĝia areo estas 1 241 km². Ĝi estas 51 km ĝis la siria limo sude, kaj 81 km ĝis la provinca ĉefurbo Mardin.

Historio

Asiraj tabuletoj el la 9-a jarcento antaŭ Kristo nomas Midyat-on Matiate. Dum kampanjo en 879 antaŭ Kristo la asira reĝo Aŝur-nasir-apli la 2-a kun sia armeo marŝis tra la urbo. Meze de 1915, asiraj kristanoj en Midyat konsideris reziston post aŭdado pri masakroj aliloke, sed la loka siria ortodoksa komunumo komence rifuzis subteni tion. Lokanoj atakis registarajn oficejojn kaj tranĉis telegrafajn liniojn; lokaj arabaj kaj kurdaj triboj estis rekrutitaj de la otomana registaro por ataki la kristanojn. La urbo paciĝis post semajnoj da sanga urba militado, kiu mortigis centojn da kristanoj (asiroj kaj armenoj). En la moderna epoko, la urbo estas loĝata de kurdoj, araboj kaj asirianoj.

Ekonomio

Midyat estas la regiona centro de komerco por la distrikto, kaj estas unu el la plej grandaj urboj en la Provinco Mardin. Simile al Mardin, la urbo estas konata pro siaj siriaj metiaĵoj kiel tapiŝoj, mantukoj kaj aliaj ŝtofaĵoj, fine arĝentaj metiaĵoj. Oriente de la urbo vinfarejo funkcias.

Trafiko

5 vojoj kaj kelkaj flankovojoj kuras al Midyat.

Klimato

La urbego havas duonaridan klimaton kun tre varmaj kaj sekaj someroj kaj malvarmaj, malsekaj kaj foje neĝaj vintroj. La averaĝa temperaturo estas 16 °C kaj varias inter 12-20 °C. La averaĝa jara precipitaĵo estas 641 mm. Inter julio-septembro apenaŭ pluvas.

Bildoj pri Midyat