Mimozo (salato)

El Vikipedio, la libera enciklopedio
Salti al navigilo Salti al serĉilo
Mimozo
(ruse Мимоза)
Mimoiza salat 2 e-citizen.jpg
Kuirarta klaso salato
Kie estas manĝita Rusio, Ukrainio, Belorusio
Elstaraj ingrediencoj fiŝaj konservaĵoj, cepo, fromaĝo, ovoj, majonezo, butero, spicherboj
Origino Sovetunio
Information icon.svg
vdr

Mimozo estas la salato, parto de la rusa kuirarto. Ĝi aperis en 1970-aj jaroj, kiam la ŝtato promociis fiŝaĵon kiel anstatuigon de la deficita viando[1], kaj rapide populariĝis, transformiĝinte je preskaŭ nepra plado de la rusa festo, speciale por Novjaro. Sian nomon ĝi ŝuldas al la flava floro mimozo (Acacia dealbata), kies koloron memorigas la supra tavolo de la plado, ornamita de ovoflavoj.

Recepto[redakti | redakti fonton]

Oni prenas la ingrediencojn en jenaj proporcioj: 2 ĝis terpomoj, 1 karoto, 200 gramojn da sardino (salmo, gorbuŝo, tuno aŭ alia fiŝaĵo, konservita en oleo), 6 ovoj, 150 gramojn da fromaĝo, 70 ĝis 100 gramojn da cepo, 100 gramojn da frostigita butero, kvaronon au duonon da manpreno da aneto, 150 gramojn da majonezo.

Oni kuiras terpomojn kaj karoton en iom salita akvo. La terpomojn raspi per grandskala kuireja raspilo, karoton per tiu etskala. Preni la fiŝojn el oleo, en kiu ili konserviĝas, forigi grandajn ostojn kaj distreti la karnon per forko. La ovojn kuiri (ne pli ol 10 minutojn post ekbolo, ĉar aliokaze ovoflavoj griziĝos)[2], malvarmigi, senŝeligi kaj apartigi ovoblankojn de ovoflavojn. La ovoflavojn distreti per forko. La ovoblankojn raspi per etskala kuireja raspilo, same kiel fromaĝon. Ete dispecigi aneton. Cepon necesas senŝeligi kaj raspi, poste brogi por forigi akran guston.

Post prepari ĉiujn ingrediencojn necesas meti ilin en tavoloj unu post alia en jen sinsekvo:

  1. terpomoj;
  2. karoto;
  3. ovoblankoj;
  4. fromaĝo;
  5. fiŝaĵo;
  6. 75% majonezo (distribui laŭ fiŝaĵo);
  7. cepo;
  8. duonon de ovoflavoj;
  9. 25% majonezo;
  10. aneto;
  11. butero (oni raspas ĝin rekte sur la centron de la salato kaj poste distribuas laŭ la surfaco);
  12. duonon de ovoflavoj (oni povas lasi ilin tra kribrilo rekte sur la salaton kaj akurate distribui);
  13. meti en fridujo por du horoj[3].

Oni metas ĝin surtable en glacaj teleroj por ke ĉiuj tavoloj videbliĝu.

En la klasika versio haveblas naŭ tavoloj, la terpomoj kaj karotoj mankis, sed nun iĝis preskaŭ nepraĵo[2]. Ekzistas pluraj modifoj, ekzemple iuj anstataŭ legomojn uzas kuiritan rizon[1].

Referencoj[redakti | redakti fonton]

  1. 1,0 1,1 Алексей Зимин (2018-12-28)Самый красивый цветок (ruse). Kommersant. Alirita 2020-01-08.
  2. 2,0 2,1 Маша Рожкова (2019-11-22)Салат "Мимоза" по советскому ГОСТу 1968 года (ruse). Alirita 2020-01-08.
  3. Салат "Мимоза" классический (ruse). Russian Food (2013-10-28). Alirita 2020-01-08.