Mladkov

El Vikipedio, la libera enciklopedio
Jump to navigation Jump to search
Tiu ĉi artikolo temas pri municipo en regiono Králíky. Pri parto de urbo Boskovice temas artikolo Mladkov (Boskovice).

Koordinatoj: 50°05′48″N 16°37′30″E  /  50.09667°N, 16.625°O / 50.09667; 16.625 (Mladkov)
Mladkov
germane: Wichstadtl
municipo
Mladkov - typická chalupa.JPG
Tipa domo en Mladkov
Mladkov.svg
Blazono
Oficiala nomo: Mladkov
Ŝtato Ĉeĥio Ĉeĥio
Regiono Regiono Pardubice
Distrikto Distrikto Ústí nad Orlicí
Administra municipo Králíky
Historia regiono Bohemio
Montaro Orlica montaro
Rivero Tichá Orlice
Situo Mladkov
 - alteco 508 m s. m.
 - koordinatoj 50°05′48″N 16°37′30″E  /  50.09667°N, 16.625°O / 50.09667; 16.625 (Mladkov)
Areo 12,8 km² (1 280 ha)
Loĝantaro 531 (01.01.2012)
Denseco 41,48 loĝ./km²
Unua skribmencio 1350
Horzono MET (UTC+1)
 - somera tempo MET (UTC+2)
Poŝtkodo 561 67
NUTS 3 CZ053
NUTS 4 CZ0534
NUTS 5 CZ0534 580651
Katastraj teritorioj 3
Partoj de vilaĝo 4
Bazaj sidejunuoj 3
Situo enkadre de Ĉeĥio
ButtonRed.svg
Situo enkadre de Ĉeĥio
Commons-logo.svg Vikimedia Komunejo: Mladkov
Retpaĝo: www.obecmladkov.cz
Portal.svg Portalo pri Ĉeĥio
Kruceto super parto de la municipo Mladkov, Vlčkovice.

Mladkov estas submontara vilaĝo en cismontaro Orlica montaro, kiu situas proksime de ŝtatlimo kun Pollando. Ĝis la dua duono de la 13-a jarcento estis en la spaco de la hodiaŭa vilaĝo sole ampleksa lima arbaro sen komunikaĵoj, nur en konekso kun koloniiga agado sur interŝanĝo de la 13-a kaj la 14-a jarcentoj estiĝis en tiu ĉi arbaro komunikaĵoj kunigantaj vilaĝojn Štíty, Mezilesí kaj Mladkov. En la paso de la 14-a jarcento en la arbaro estis malkovritaj vejnoj de metaloj, kio evoluigis ministan koloniigon, kies centro Mladkov fariĝis. Ĝis komenco de la 16-a jarcento Mladkov estis parto de sinjorujo de Žampachidoj - en la jaro 1513 Jan Žampach z Potštejna elektis ĝin kiel sian sidejon, li konstruis ĉi tie burgaron, kiu situis proksime de hodiaŭa mladkova elektrejo. En 1577 Mladkov estas indikata kiel urbeto, ĉi tie agadis vitrofarista gisejo. La pentrinda ĉirkaŭaĵo de la vilaĝo kaj samtempe malgranda grado de loĝigo destinis la donitan teritorion por refreŝigado, kiel mallongtempan tiel longtempan.

En Mladkov konserviĝis ekleziaj arkitekturoj kaj ankaŭ popolaj lignaj konstruaĵoj.

Memorindaĵoj[redakti | redakti fonton]

Preĝejoj[redakti | redakti fonton]

En Mladkov, oriente de urboplaco, situas frubaroka preĝejo de Sankta Johano Baptisto el la jaro1697, rekonstruita en 1744. Ĝi estas ununava, oblonga kun poligone fermita presbiterejo kaj prisma turo en okcidenta fronto. La navo estas plafonita per kruca volbo, la presbiterejo per barela. Sur ambaŭ flankoj de la navo estas tri arkadaj kapeloj kaj super ili tribunoj.

La ekipaĵo estas el la dua kvarono de 18-a jarcento, kompletigita en la dua duono de 19-a jarcento. La ĉefaltaro estas baroka, kadra, ornamita per statuoj de Sankta Joaĥimo kaj Sankta Anna kaj per bildo de Bapto de Kristo de F. Kratzmann el la jaro 1842.

En la vilaĝo Vlčkovice troviĝas preĝejo de Naskiĝo de Sankta Maria, konstruita en la jaro 1836. Ĝi estas ununava, kvadrata kun segmenta apsido. La ekipaĵo estas samtempa. Sur altaro estas bildo de Sankta Maria el duono de 19-a jarcento. Kalvaria vojo estas kopio de bildaroj el ĉirkaŭaĵo. Ŝranka orgeno estas popoldevena baroka lignoskulptaĵo el la dua duono de 18-a jarcento.

Konstruaĵoj[redakti | redakti fonton]

En Mladkov, sur urboplaco kaj apud la preĝejo estas kelkaj malfrubarokaj kaj klasikismaj domoj el la komenco de 19-a jarcento.

Skulptaĵoj[redakti | redakti fonton]

Mariakulta kolono sur urboplaco estas baroka el la unua kvarono de 18-a jarcento. Sur ĝia soklo estas reliefo de Sankta Johano Nepomuka kaj atributoj de martirigo de Kristo.

Apud la preĝejo, kie origine estis tombejo, troviĝas statuoj de Sankta Johano Nepomuka el la jaro 1756, Kalvario 1849 kaj Sankta Floriano el la jaro 1878.

Kapeleto[redakti | redakti fonton]

En Petrovičky situas klasikisma kapeleto kun ŝtona statuo de Sankta Johano Nepomuka el tempo ĉirkaŭ la jaro 1760.

Kapelo estas el la dua duono de 19-a jarcento, oblonga, trilatere fermita kun samtempa ekipaĵo.

Turismo[redakti | redakti fonton]

Mladkov estas taŭga elirpunkto al proksima monto "Suchý vrch", kie troviĝas Kramář-montarhotelo kaj belvida turo, prezentanta panoramon sur Orlica montaro, Králický Sněžník kaj Hrubý Jeseník. Ĝi estis konstruita en la jaro 1932 laŭ planoj de arĥitekto Patrmann kiel akvoturo kun belvida galerio. Sekvante flavan signaron ni povas viziti instruan padon nomatan "Betona ŝtatlimo", dediĉitan al linio de ĉeĥoslovakaj antaŭmilitaj fortikaĵoj, konstruitaj inter jaroj 19351938. Plej proksima al Mladkov estas alirebla fuortaro Bouda.

Gefiloj[redakti | redakti fonton]

Bibliografio[redakti | redakti fonton]

  • Marek Podhorský: Pardubický kraj. Eldonis freytag & berndt, eldonejo en Prago en j. 2004.
  • Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj[redakti | redakti fonton]