Monty Python's Life of Brian

El Vikipedio, la libera enciklopedio
Salti al navigilo Salti al serĉilo
Monty Python's Life of Brian
Originala titolo Monty Python’s Life of Brian
Originala lingvo angla lingvo
Kina aperdato 1979, 14 aŭg. 1980
Ĝenro komedia filmo, Religious satire, parodifilmo
Kameraado Peter Biziou
Reĝisoro(j) Terry Jones
Produktisto(j) Graham Chapman · John Cleese · Terry Gilliam · Eric Idle · Terry Jones · Michael Palin
Scenaro Graham Chapman · Terry Gilliam · Michael Palin · John Cleese · Eric Idle · Terry Jones
Muziko Geoffrey Burgon
Ĉefrolantoj Graham Chapman · John Cleese · Terry Gilliam · Terry Jones · Eric Idle · Michael Palin · Sue Jones-Davies · Terence Bayler · Carol Cleveland · George Harrison · Neil Innes · Gwen Taylor · Kenneth Colley · John Young · Spike Milligan · Charles McKeown · Bernard McKenna · Andrew MacLachlan · Chris Langham · Charles Knode · Terry Jones · Kenneth Colley · Peter Brett · John Case · Randy Feelgood
Produkto HandMade Films
IMDb
Information icon.svg
vdr

Monty Python's Life of Brian, ankaŭ konata kiel Life of Brian ("Vivo de Brian"), estas brita komedia filmo el 1979, kiun skribis, kaj en kiu ĉefrolas, la komedia grupo Monty Python (Graham Chapman, John Cleese, Terry Gilliam, Eric Idle, Terry Jones kaj Michael Palin). Ĝi estis ankaŭ direktita de Jones. La filmo prezentas rakonton pri Brian Cohen (Chapman), juna juda viro, kiu naskiĝas samtage kiel - kaj najbara al - Jesuo, kaj estas poste miskonsiderata kiel la Mesio.

La filmo enhavas temojn religie satirajn, kiuj estis polemikaj dum la tempo de ĝia eldono, altirante akuzojn pri blasfemo kaj protestoj de kelkaj religiaj grupoj. Tridek naŭ lokaj aŭtoritatoj en Britio aŭ tute malpermesis ĝin, aŭ devigis 18-jaran minimuman aĝon, efike malhelpante la montron de la filmo. Kelkaj landoj, inkluzivante Irlandon kaj Norvegion, malpermesis ĝian montron, kelkaj el kies malpermesoj daŭris jardekojn. La merkatistoj uzis tian fifamecon por profitigi sian merkatadan kampanjon; ekzemple afiŝoj en Svedio diris, "Tiel amuza, ke ĝi estis malpermesita en Norvegio!"[1]

La filmo estis sukceso, la kvara plej multenspeza filmo en Britio en 1979 kaj plej multenspeza el ĉiuj britaj filmoj en Usono tiun jaron. Ĝi restas populara, ankoraŭ ricevante pozitivajn recenzojn. La filmo estis nomita "la plej bona komedia filmo iam ajn" de pluraj revuoj kaj televidaj retoj, kaj ĝi ricevis 97-elcentan takson de la retejo Rotten Tomatoes.[2]

Referencoj[redakti | redakti fonton]