Monumenta Serica
Monumenta Serica (ĉine Huayi xuezhi 華裔 學 志, angla subteksto: Journal of Oriental Studies, Revuo por Orientaj Studoj) estas internacia scienca revuo de ĉinologio. Ĝi estas eldonita de la instituto Monumenta Serica en Sankt Augustin apud Bonno en Germanio. La ĉefredaktoro estis la polo Roman Malek ĝis la fino de 2012 kaj ekde tiam estas Zbigniew Wesołowski. La instituto estas subtenata de la germana provinco de la katolika monaĥa ordeno Familio de Steyl.
La revuo estis fondita en 1935 ĉe la Katolika Universitato Fu Jen en Pekino de la germana misiisto kaj ĉinologo Franz Xaver Biallas (1878-1936). Ĝi publikigas sciencajn artikolojn kaj recenzojn de ĉinologoj tra la mondo. Tiel farante, ĝi starigas malmultajn temajn aŭ historiajn limigojn por laŭeble bone reflekti la tutan diversecon de aziaj kulturoj. La kernaj temoj inkluzivas arkeologion, historion, religion, filozofion, arton kaj literaturon en Ĉinio kaj najbaraj landoj en Orienta kaj Centra Azio. La artikoloj estas ĉefe en la angla, sed ankaŭ en la germana kaj la franca. La presita kaj cifereca revuo ekde la jaro 2015 estas eldonita ĉiujn ses monatojn, do dufoje jare.
