Nacia Gvardio de Usono

Nacia Gvardio de Usono
militista unuo
organized militia
Komenco	1903 vd
Antaŭe	United States Volunteers vd
Lando(j)	Usono vd
Partoj Army National Guard (en) , Air National Guard (en) kaj Puerto Rico National Guard (en) vd
Retejo	Oficiala retejo

La Usona Nacigvardio (angle United States National Guard, akronime USNG), establita en 1903, estas federacia milicforto mobilizita de individuaj subŝtatoj, la federacia distrikto Kolumbio (Vaŝingtono), kaj kelkaj teritorioj de Usono. Ĝi ankaŭ estas komponento de la milita rezervo de la Usonaj Armitaj Fortoj.

Nacigvardiaj unuoj ekzistas en ĉiu subŝtato kaj en nesubŝtataj teritorioj de Usono. Ili havas duoblan subigon: al la subŝtato kaj al la federacia registaro.

poŝtmarko de 1953

La membroj de la Nacia Gvardio estas ĉefe volontulaj milicanoj kaj malgranda nombro estas profesiaj soldatoj de la respektiva subŝtato. Ĉiu subŝtato, la Distrikto Kolumbio kaj la plej multaj el la eksteraj teritorioj (ekz. Porto-Riko) konservas sian propran Nacian Gvardion, kiu estas submetita al la respektiva estro de la ekzekutivo, kutime la guberniestro. Ĉi tiu Nacia Gvardio estas proksime ligita per federacia juro kaj institucie kun la armeo kaj la aerarmeo, tiel ke sub certaj cirkonstancoj, kun la konsento de la Kongreso, la federacia nivelo povas recurrir al ĝi. Kune kun la subŝtataj gvardioj ( angle state defense forces, ŝtataj defendfortoj), kiuj estas sendependaj de la federaciaj armetrupoj, ili formas la subŝtatajn milicojn. La rajto al propra subŝtata milico estas eksplicite garantiita al la subŝtatoj en la Usona Konstitucio.

Historio

Dum la tuta 19-a jarcento, la regula armeo estis malgranda, kaj la milicoj konsistigis la plejparton de la fortoj dum la Meksika-Usona Milito, la komenco de la Usona Enlanda Milito, kaj la Hispana-Usona Milito. En 1903, partoj de la milico estis organizitaj kiel rezervtrupo por la Usona Armeo, sub la nomo de la Nacigvardio. En la Unua Mondmilito, la Nacigvardio konsistis el 40 procentoj de la usonaj divizioj en Francio. En la Dua Mondmilito, la Nacigvardio formis 19 diviziojn. 140 000 naciaj gvardianoj estis mobilizitaj por la Korea Milito kaj pli ol 63 000 por la Golfa Milito.

Post la Dua Mondmilito — kiam la Aerarmeo estis apartigita de la Armeo — la aviadaj unuoj de la Nacigvardio estis organizitaj kiel la Aera Nacigvardio. Ne ekzistas Mararmea Nacigvardio pro konstitucia dispozicio malpermesanta al subŝtatoj konservi militŝipojn en pactempo.

Eksteraj ligiloj

• Oficiala retejo de la Nacia Gvardio Arkivigite je 2021-04-22 per la retarkivo Wayback Machine