Nacia Parko Glacier Bay

El Vikipedio, la libera enciklopedio
Salti al navigilo Salti al serĉilo
Glaĉero McBride ĉe Glaĉera Golfo

Glacier Bay National Park and Preserve estas usona nacia parko kaj konservejo en sudorienta Alasko okcidente de Ĵuno. Ĝi konsistas el la samnoma golfo kaj ĉirkaŭaj terpecoj, sume 13,287 km², el kio 10,784 km² estas apartigita kiel sovaĝejo. En 2014 la parko kaj konservejo ricevis pli ol 500 000 vizitantojn.

Prezidento Calvin Coolidge proklamis la regionon ĉirkaŭ Glaĉera Golfo nacia monumento laŭ la Akto pri Antikvaĵoj je la 25-a de februaro 1925.[1] Prezidento Jimmy Carter pligrandigis la monumenton en 1978, post kio la leĝo "ANILCA" aldonis 2116,5 km² je la 2-a de decembro 1980, tiel kreante la nunajn naciajn parkon kaj konservejon[2] aldonante aliajn 230.7 km² da publika tereno kiel nacian konservejon nordokcidente de la parko mem por protekti partojn de la rivero Alsek kaj alligitajn loĝterenojn de fiŝoj kaj sovaĝaj bestoj tamen permesante sportan ĉasadon.

En 1979 Glaĉera Golfo fariĝis parto de dulanda Monda heredaĵa objekto de Unesko. La objekto inkluzivas ankaŭ alian usonan parkon (Nacia Parko kaj Konservejo Wrangell-St. Elias), kaj du kanadajn parkojn (Nacia Parko kaj Konservejo Kluane en Jukonio kaj Provinca Parko Tatshenshini-Alsek en Brita Kolumbio.

Situo de Glaĉera Golfo en Alasko

Notoj[redakti | redakti fonton]

  1. Robert F. Lee, The Story of the Antiquities Act, [1] angle
  2. Alaska National Interest Lands Conservation Act angle