Nacia Parko Lençóis Maranhenses

El Vikipedio, la libera enciklopedio
Salti al navigilo Salti al serĉilo

La Nacia Parko Lençóis Maranhenses (Bettlaken von Maranhão) estas larĝa duna areo en norda Brazilio, apud la oceana bordo en la federacia ŝtato Maranhão.

Geografia situo de Lençóis Maranhenses

La areo havas surfacon de 1550 km² kaj estis deklarita nacia parko la 2-an de junio 1981. La fiksaj kaj migraj dunoj penetras la landinternon ĝis 40 km, tiel estiĝas - spite al la relative granda precipitaĵa kvanto (ĉ. 1500 mm)- la sola dezerto de Brazilio. La temperaturo ŝanĝiĝas de 16 °C ĝis 36 °C. La vento estas ofte forta.

La turisma vizitado de la nacia parko okazas de Barreirinhas. Pluaj partoj de la nacia parko apartenas al komunumoj Humberto de Campos kaj Primeira Cruz. En la nacia parko ekzistas kelkaj lagunoj, kies akva kvanto dependas de la pluvoj. Post longa seka periodo, multaj lagunoj tute elsekiĝas, sed la turismaj celoj kiel Lagoa do PeixeLagoa Bonita ĉiam entenas akvon.

Vidu ankaŭ[redakti | redakti fonton]