Naskiĝatesto
Naskiĝatesto estas oficiala jura dokumento (esenca), kiu dokumentas la naskiĝon de persono. La termino "naskiĝatesto" povas rilati aŭ al la originala dokumento atestanta la cirkonstancojn de la naskiĝo aŭ al atestita kopio aŭ reprezento de la posta registrado de tiu naskiĝo. Depende de la jurisdikcio, tia naskiĝdokumento eble enhavas aŭ ne enhavas konfirmon de la okazaĵo fare de sanprofesiulo kiel akuŝisto aŭ kuracisto.
Tia atestilo ankaŭ listigas la laŭleĝe agnoskitajn gepatrojn en la momento, kiam la atestilo estas eldonita (ne nepre la biologiaj gepatroj, ekzemple, en kazo de adopto). En la plej multaj landoj, ĝin eldonas la civila registrejo de la naskiĝloko. La nacieco de la gepatroj kutime ne estas inkluzivita en la naskodatumoj.
En multaj jurisdikcioj, ĝi ankaŭ estas preparita en kazo de mortnasko, kiu devas esti raportita al la registrejo post mallonge. La dokumento enhavas taŭgan komenton kaj anstataŭigas la mortateston, kiu kutime ne estas preparita en ĉi tiu kazo.
La Celo de Daŭripova Evoluigo numero 17 de Unuiĝintaj Nacioj de 2015, integrita parto de la Agendo 2030, havas celon pliigi la ĝustatempan haveblecon de datumoj pri aĝo, sekso, raso, etneco kaj aliaj koncernaj karakterizaĵoj, kiujn dokumentoj kiel naskiĝatesto povas provizi.[1]
Antaŭe, en multaj landoj tiu registrado kaj la konservado de civilaj statusaj registroj estis la respondeco de la eklezio.
Galerio
[redakti | redakti fonton]
Naskiĝatestilo de L.L. Zamenhof
Naskiĝatestilo de Motel Zamenhof
Manskribita naskoatesto de Gustave Flaubert (1821)
Referencoj
[redakti | redakti fonton]- ↑ Goal 17 | Department of Economic and Social Affairs. Arkivita el la originalo je 2 November 2021. Alirita 26 September 2020 .